Shëndetësia që do Edi Rama, por nuk i besojnë as mjekët as klerikët fetar!

“Shëndetësia që duam” ishte spektakli i radhës së Kryeministrit Edi Ramës ku u mundua të bindë shqiptarët se çfarë Shëndetësie të mirë ofron ai dhe qeveria e tij dhe si e tillë nuk mund ti besohet opozitës që firmos një Aleancë, siç tha, tragjikomike!

Bëri dhe bilancin se si i kishte gjetur spitalet dhe si janë sot por nuk tha se pse këtyre fjalëve të paktën, nuk i besuan as mjekët, as deputetët e as klerikët fetar kur u prekën nga COVID-19 por ikën jashtë shtetit. Madje as Piperua me këshillat e të cilit mërziti dynjanë në kohën e karantinës.

“Armiku i padukshëm mbylli në shtëpi të gjithë popujt, sfidoi me një egërsi të pashoqe sistemet shëndetësore, ekonomitë globale, kombëtare e familjare të të gjithë botës. Më persekuton vazhdimisht, pyetja ‘çfarë do të kishte ndodhur, si do kishin shkuar gjërat në këtë vend sikur ky armik të kishte zbritur këtu 7 vite më parë, apo sikur të na kishte gjetur gafil me sistemin e para pak viteve. E keqja harrohet shpejt, e mira nuk ka fund.

Kështu është njeriu dhe sot duket gati e pamundur që njerëzit të kujtohet se cfarë qameti ishte shëndetësia jonë, para se sa ne të na binte barra e përgjegjësisë për ta drejtuar këtë vend.

Kur unë postoj foto të atyre viteve aspak të largëta e të këtyre ditëve në krah, nuk janë të pakët njerëzit që shkruajnë me ironi, të shara e akuza a thua se kanë përpara një  iluzion optik. Spitalet me batanije lara lara apo pa batanije, me pacientë që vinin duke u mbajtur për krahu nga familjarët, çarçafë të zverdhur, instrumente mjekësore të pasterilizuar, 50 mijë infeksione post-operatore çdo vit.

Spitale me aparatura të vjetra, mure me harta prej lagështisë, dysheme të shtruara si mozaik të historisë së korrupsionit e keqadministrimit, ambulanca të tejlodhura që nuk mbërrinin kurrë në kohë, spitale të rrethuara nga tregje, dyqane e kalimtarë.

Spitale me turma që nuk dallohej mjeku nga pacienti. Spitale me kangjella lloj lloje, gjeje në ato pazare, rroba të varura në diell, me lodra e zarzavate, syze guci e versaqe, që prisnin familjarët e pacientëve për të marrë recetat. Kush nuk më thotë këto, ose ka humbje të memories, ose memorien e ka me pasëordin e opozitës,” tha Kryeministri ndërsa bënte bilancin pa sqaruar se pse i mbylli spitalet dhe e drejtoi miletin në Spitalin Amerikan kur gjithçka funksiononte e armiku i padukshëm trokiti në derë! Apo nuk e kishte idenë se edhe në Spitalin Amerikan po kjo Shëndetësi është vetëm se atje bojaxhiu shpesh viziton Spitalin; Sa për mjekë, ai e din se janë të sistemit shëndetësor shqiptarë vetëm që Klod amerikoni nuk i lenë që të marrin ryshfet.

“Nuk jemi ende aty ku duhet e ku donim, e ku do të jemi nëse nuk ndalemi e nuk rrotullohemi rreth vetes por shkojnë përpara me punë e durim.

Pikërisht se që prej ditës së parë kur morëm detyrën, nuk kemi fjetur gjumë, por kemi nisur një punë të madhe, nuk na gjeti gafil por të përgatitur, u futëm në mbrojtje si popull, u mbyllëm fort. Si njerëzit që na keni besuar, nuk e ndaluam punën për t’u armatosur sa më mirë, e ndërkohë që armiku i padukshëm shtrihej mes nesh” tha Edi Rama me këtë Shëndetësi katastrofë e cila vetëm mund të imagjinohet si do të ishte sikur të kishin fjetur gjumë!

Foli edhe për pagat e mjekëve të cilat i rriti vetëm pas premtimit të liderit të opozitës Lulzim Basha ndonëse nuk e pranoi dhe gjeti vend të flas edhe për korrupsionin e bluzave të bardha të cilin e ka denoncuar dhe vazhdon ta denoncoj përmes televizioneve që ka në shërbim vetëm për të shpëqëndruar vëmendjen nga problemet reale që ka ky sistem.

“Këtu është momenti t’iu them mjekëve dhe infermierëve, që pavarësisht se nuk i rreshtoi koha, pozicioni i tyre, profili i tyre, në atë vijë beteje, kanë qenë qysh prej atij momenti të parë dhe mbeten deri sot pjesë e asaj lufte. Shumë faleminderit, shumë respekt e mirënjohje, sepse pa ju do të ishte e pamundur, pa ju jetët e humbura që do të numëroni9m sot do të ishin shumë më tepër. Pa ju, mijëra e mijëra njerëz që kanë hyrë në spitale me armikun e padukshëm ngjitur mbi shpinën e tyre nuk do të kishin dalë të lehtësuar, jo vetëm nga pesha e frikshme e kësaj qenie monstruoze që nuk shihet me sy, por edhe nga shërbimi, përkushtimi, përkujdesja juaj.

Nga ana tjetër, ne kemi bërë gjithçka kemi mundur për ju, jo gjithçka kemi dashur. Ju meritoni më shumë dhe mbi të gjitha meritoni jo vetëm respektonin e mirënjohjen tonë, por të çdo shqiptari, që duhet ta ndajë mirë e prerë gjithë trupën dhe heroizmin tuaj nga sekëlldia, turbullia, neveria legjitime për ato raste, kur qenie të padenja mes jush e tradhtojnë misionin dhe njollosin bluzën e bardhë. Edhe pse nuk kemi bërë sa kemi dashur, duke bërë gjithçka kemi mundur, ja kemi dalë t’iu bëjmë të mos ndiheni se jeni vetëm. 3656 mjekë, infermierë dhe epidemiologë kanë përfituar që prej ditës së parë të luftës bonusin 1 mijë euro mbi pagën mujore dhe do ta përfitojnë atë deri në fund të luftës,” tha komandant Tarrasi duke folur për shifra marramendëse por jo dhe për mjekë e infermierë që e braktisin këtë parajsë shëndetësore dhe po ikin jashtë shtetit.

“Kemi punësuar 464 personel shëndetësorë plus prej fillimit të pandemisë, për të garantuar që forca në vijën e parë të luftës të mos shterë për asnjë çast. Nga ana tjetër, paga e mjekëve është rritur në vitet e fundit me 57%. Ju kemi siguruar kushte të pakrahasueshme pune dhe punësim mbi bazë merite. Janë punësuar mbi bazë merite 1250 mjekë dhe 3500 infermierë. Paga mesatare bruto e një mjeku sot është 1100 dollarë dhe e infermierit 650 dollarë. Akoma nuk janë aq sa mjekët meritojnë.

Ishim ne që vendosëm për herë të parë skemën e mbështetjes financiare me një bonus për çdo mjek që pranon të punojë larg qendrës së banimit apo që kthehet nga jashtë, dhe kemi pasur raste të tilla,” tha Kryeministri, sa raste ishin ato një Zot e di, ose më saktë një Ogertë e di .

Dhe, meqë ende nuk ishte nisur drejtë qendrave të vaksinimit nga ky spektakël foli për këtë proces ku paralajmëroi se gjatë pranverës do të nisë vaksinimi masiv kundër koronavirusit.

Kaluan shumë minuta dhe nuk e përmendi opozitën por Edi Rama në këtë pikë nuk zhgënjen. Në këtë kohë të vështirë të përballjes me armikun e padukshëm, Kryeministri Rama tha se opozita nuk mund të besohet e pse nuk i besojnë atij as klerikët fetar e madje as këta mjekët e mrekullueshëm, dhe për të shpëtuar kokën e tyre ikin në Turqi dhe Itali këtë nuk e sqaroi njeriu që perfeksionoi shëndetësinë shqiptare.

“Në mars-prill-maj-qershor do të kemi vaksinim masiv, që do të këpusë si sëpatë zinxhirin e infektimeve dhe që do të mundësojë që të çlirohemi pjesërisht, por në mënyrë të konsiderueshme, nga barra e madhe e ankthit, pasigurisë, merakut për njerëzit tanë më të afër, më të dashur, për më të moshuarit, ata me sëmundje kronike. Ky është një udhëkryq.

A mundet në këtë udhëkryq t’i besohet fati i finales së kësaj lufte atyre që firmosën atë koalicionin tragji-komik, atyre që qysh nga dita e parë e luftës nuk u rreshtuan një herë bashkë me ne pranë jush, që zgjodhën të bëjnë aleatë me Covidin, vetëm se virusi ishte armiku i deklaruar i kësaj qeverie. Atyre që nuk humbën asnjë ditë pa hedhur baltë, pa shpifur, akuzuar, nxitur panik, krijuar alarm, vetëm e vetëm për politikë. Mbi të gjitha, a mund t’iu besohet atyre, kur doktor Halim Kosova del e thotë publikisht se ku janë ata në raport me këtë luftë dhe se cilët janë ata që japin mend dhe bëjnë akuza në mes të kësaj lufte. Unë them jo, nuk mund t’ui besohet atyre vazhdimi i asnjërës prej punëve që kemi nisur,” tha Kryeministri Edi Rama duke bindur miletin me akuzat e Dr.Halim Kosovës ndonëse e kishte cilësuar “doktor të lodhur” dhe për ditë të tëra i thurrte konsiderata kur doktori ishte kandidat për kryetar bashkie.

Normal që shqiptarët u tronditën nga akuzat e Dr.Halim Kosovës kur ato sipas logjikës së Edi Ramës janë dyfishi në realitet.

Por Edi Rama i qetëson sepse në Prillin e vitit 2015 kishte postuar edhe këtë thënie të Doktorit që sot aq shumë e adhuron meqë përgojoi Partinë Demokratike, Tritan Shehun e Genc Rulin.

Gjithsesi, si Halim Kosova ashtu dhe Edi Rama sot e mot, kur shohin këtë Shëndetësi dhe shkelje që po i bëjnë Partisë Demokratike me të dyja këmbët e përbaltura në llumin komunist, e kanë të qartë:

Në fund, pse nuk e përmendi “shëndetësinë falas” tashmë është e qartë, nuk e bënë dot as me 600.000 eurot që denoncoi Dr.Halim Kosova për Tritan Shehun dhe Genc Rulin dhe SPAK ende bënë sehir edhe pse Ish-Ministri i Drejtësisë ka fshehur krimin.

Apo, ç’punë ka SPAK-u me Dr.Halim Kosovën kur ai punon për Edi Ramën!