Shëndeti i Kryeministrit, Edi Rama është i binduri se është mirë…

Para mjekëve specialistë shërbimesh, foli për ndryshim në Kodin Penal dhe ndëshkimin shembullor të dhunuesve të bluzave të bardha, por kryeministri Edi Rama nuk harroi ti përgjigjet edhe atyre që raportuan për shëndetin pa marrë urdhër për këtë gjë nga Endri Fuga.

“Respekte për mjekët dhe mos u dorëzoni dhe kur ndjeheni keq nga sulmet që ju bëjnë ngushëllohuni duke më menduar mua. Mua mi bëjnë sulmet si person, por unë jam gjallë nuk kam ende nevojë për ju. Është e sigurt, kur realisht kam shkuar për të bërë konsultat reale, ato nuk dalin në kazan, dalin ato që nuk janë, unë konsultën e parë e bëj gjithmonë këtu, por nuk tregoj as ku e as se pastaj fillojnë fantazitë.”

Edi Rama duke kundërshtuar lajmet e publikuara tha se është mirë në të njejtën mënyrë siç raportuan mediat të kundërtën, me fjalë, ndërsa u kujtoi mjekëve se çfarë tha Niçja, jo i Shijakut meqë ata nuk janë pjesë e Qeverisë dh es’kanë me të, por ai i Gjermanisë:

“Për fat të mirë nga të gjitha konsultat rezultoj i suksesshëm përballë gjithë çfarë më bëjnë. Kujtohuni për këtë dhe mos e harroni kurrë, Niçja, ai i Gjermanisë jo i Shijakut, ka thënë: Çfarë nuk të vret të forcon!  Dhe ju jeni sot më të fortë se ç’ishit para se t’ju godisnin dhe shëndet do t’ju bëhet edhe ajo goditje si më është bërë mua,” tha kryeministri Edi Rama duke mos ndryshuar fjalorin sikur ju flet sejmenëve të Erion Velisë dhe jo mjekëve të nderuar në shërbim të qytetarëve, të cilët nga mediat në shërbim të kryeministrit akuzohen për ryshfet dhe çdo ditë janë të nënshruar nga terrori qytetar i krijuar nga opinioni i po këtyre mediave.