“Shënjestra”, konfiskohet sasi e madhe e armëve, 15 të arrestuar

Aksioni i policisë i koduar “Shënjestra”, cili filloi në orët e para të mëngjesit dhe ishte shtrirë në tërë territorin e Kosovës, përfundoi me konfiskimin e një sasie të madhe të armëve dhe municionit dhe arrestimin e 15 personave.

“Arsenal i armëve është konfiskuar nëpër lokacione të ndryshme ndërsa në pranga kemi futur 15 persona të dyshuar të cilët do të intervistohen dhe më pas prokurori i rastit do të vendos për ta,” ka thënë një burim nga policia ndërsa zyrtarisht Policia e Kosovës është shprehur se do të jap më vonë detjaet e aksionit:

“Aksioni i policisë është zhvilluar në orët e hershme të mëngjesit të sotëm. Detaje se kush ka qenë cak i këtij aksioni do t’i japim më vonë,” tha Bajram Krasniqi nga Policia e Kosovës.

Ndryshe, pperacioni i Policisë së Kosovës i koduar “Shënjestra” është zhvilluar në dhjetëra në rajonin e Prishtinës, Ferizajt, Pejës dhe Malishevës.