Shërbimi shëndetësor, PD: Qytetarët paguajnë dyfish, Qeveria i vjedh!

Pas publikimit të shifrave nga Eurostat lidhur me shpenzimet në Shëndetësi, ka reaguar Partia Demokratike përmes Ish-Deputetit Dr.Bardh Spahia, duke konstatuar se shqiptarët shpenzojnë shumë më tepër, se çdo popull tjetër i rajonit për shërbimet shëndetësore, situatë kjo e errët ku Edi Rama e ka futur këtë vend, e që nuk mbulohet dot më me propagandë sepse i ka kaluar kufijtë si logjikë ashtu edhe territorialë.

“Ja shëndetësia “falas” e Edi Ramës. Sipas shifrave të Eurostat, jo të PD, shqiptarët shpenzojnë shumë më tepër, se çdo popull tjetër i rajonit për shërbimet shëndetësore. Shqiptarët paguajnë më shumë se qytetarët e Serbisë, të Malit të Zi, të Bosnjë Hercegovinës e Maqedonisë së Veriut.”

Shëndetësia e koncesioneve dhe e tenderave të errët, shton Dr.Spahia, po cënon direkt shërbimet ndaj qytetarëve dhe me pandeminë COVID-19:

“Çdo qytetar i prekur po e kupton se shëndetësia “falas” e Edi Ramës po u kushton shtrenjtë, pasi po paguajnë vetë trajtimin e kushtueshëm që u shpëton jetën! Ky është realiteti që nuk mbulohet dot me propagandën e ERTV-së,” thekson Ish-Deputeti i PD, Bardh Spahia, duke përfunduar:

“Shifrat janë kokëforta dhe tregojnë situatën e errët ku Edi Rama e ka futur këtë vend, e që nuk mbulohet dot më me propagandë sepse i ka kaluar kufijtë si llogjikë ashtu edhe territorialë.”