“Sherr me një polic”, ja intervista e Ramës, Bylykbashi: Ose ke gënjyer median italiane, ose në formularin e dekriminalizimit!

Pasi Kryeministri Edi Rama tha se kishte folur për një sherr me një polic në aeroport dhe jo për arrestim, Ish-Deputeti i Partisë Demkratike, Oerd Bylykbashi, i sjellë edhe dëshmi që ka thënë se ishte arrestuar, dhe se në këtë rast ose ka gënjyer median italiane, ose në formularin e dekriminalizimit

“E shkruar e zezë mbi të bardhë: “Më kanë arrestuar njëherë në Bolonja”. Ka dy mundësi zoti Rama: Ose në delir e sipër ke genjyer median italiane, Ose ke gënjyer në formularin e dekriminalizimit,” tha Oerd Bylykbashi në reagimin përmes rrjetit social Facebook ndërsa sjell dhe deklaratën e dhënë për mediat italiane duke përfunduar:

“Alo Edi, pa u nervozuar dhe pa batuta bajate duhet te pergjigjesh per kete.
Je genjeshtar delirant apo te duhet te dorezosh mandatin si cereku i deputeteve te partise tende?”

Ndryshe, Kryeministri Edi Rama duke mohuar se kishte deklaruar se ishte arrestuar tha se kishte folur për një sherr me një polic në aeroport ndërsa për opozitën që e denoncoi iu lut Zotit: “O Zot të lutem në gjunjë t’u japësh pak vaj për kandilin e trurit, se u është fikur krejt e nuk dinë ç’nxjerrin nga terri i gojës!”

Tani, kur gjithçka është e qartë se çfarë ka deklaruar Kryeministri Edi Rama, është e qartë dhe kujt i duhet vaji për kandilin e trurit dhe kujt i është fikur, e kush, çfarë nxjerr nga terri i gojës dihet edhe pa këtë përplasje politike.

Ja statusi i plotë:

E shkruar e zeze mbi te bardhe : “me kane arrestuar njehere ne Bolonja”. Ka dy mundesi zoti Rama:
1. Ose ne delir e siper ke genjyer median italiane
2. Ose ke genjyer ne formularin e dekriminalizimit.
Alo Edi, pa u nervozuar dhe pa batuta bajate duhet te pergjigjesh per kete.
Je genjeshtar delirant apo te duhet te dorezosh mandatin si cereku i deputeteve te partise tende?

O Zot të lutem në gjunjë t’u japësh pak vaj për kandilin e trurit, se u është fikur krejt e nuk dinë ç’nxjerrin nga terri i gojës!