“Sherr për Drejtorët e ri”/ Mbledhja e socialistëve të Veriut, Edi Rama: Meqë ju s’i dhatë drejtim, të hënën vendos…

Pas debateve të forta në Degën e Partisë Socialiste në Shkodër, ku u shkri e gjithë struktura, Kryeministri dhe Kryetari i PS, Edi Rama sot zhvilloi mbledhje me deputetët dhe kryebashkiakët e Veriut ku mollë sherri u bë tashmë emërimi i Drejtorëve dhe asgjë nuk u zgjidhë.

Paulin Sterkaj: Emërimet në Shkodër janë kthyer në tendera politik. Secili dërgon emrat e vet, për një drejtori 7 lista!

Edi Rama: Nuk është e vërtetë, meqë ju si dhatë drejtim, tani do të merrem vetë me këtë punë. Nuk e kemi bërë si tender, Musai më tha keni çuar 7 lista. Të hënën mbledhje e posaçme vetëm për Shkodrën, aty vendosim çdo gjë.

Ndryshe, pas zgjedhjeve të 30 Qershorit dhe shkarkimit të kryebashkiakut kriminel, Valdrin Pjetri shumë ujëra socialistë janë trazuar në Shkodër. Pas situatës së krijuar dhe ankesave të shumë anëtarëve për katapultimin e personave jashtë partisë, Partia Socialiste në Shkodër ka shkrirë të gjitha strukturat.