“Sherre e përplasje në Kryesinë e PD”, Paloka: As dje dhe asnjëherë tjetër, Unë…

Një ditë pas mbledhjes së Kryesisë së PD, ku disa media raportuan mbi debatet e ashpra që u zhvilluan pas analizës së masakrës zgjedhore të 25 prillit ka reaguar Nënkryetari i Partisë Demokratike, Edi Paloka, duke theksuar se

“Është bërë rrugë tanimë që disa media raportojnë për mbledhjet e kryesisë së PD siç ju leverdis atyre apo kush qëndron pas tyre. Edhe për mbledhjen e mbrëmshme ka ndodhur e njëjta gjë. Kur “lajmet” i japin mediat e Ramës unë as e marr mundimin t’u përgjigjem apo t’i përgënjeshtrojë , po për fat të keq ‘viktima’ për mbledhjen e fundit janë bërë dhe media pranë opozitës,” thekson Edi Paloka në reagimin e tij përmes rrjetit social Facebook duke sqaruar se mbrëmë në mbledhjen e kryesisë së PD nuk ka patur as “sherre” as “përplasje” po diskutime si në çdo mbledhje për të mirën e punës.

“Kjo mund të duket habi për atë krahun tjetër po nuk ka pse të duket e habitshme për PD,” Nënrkyetari i Partisë Demokratike shtuar:

“As dje dhe asnjëherë tjetër unë nuk kam thëne që ‘Durrësi i arriti objektivat’ e për më tepër të debatoja për këtë se pastaj nuk do isha unë me këmbë në tokë. Në se do arrinim objektivat dhe projeksionet pavarsisht manipulimeve që u bënë, ne do ishim në pushtet.”

Në fund Nënkryetari i Partisë Demokratike, Edi Paloka, duke e pranuar se objektivi i PD nuk u arrit, thotë se arsyen nuk ka shqiptar që nuk e di:

“Po objektivi ynë nuk u arrit për një arsye që nuk ka shqiptar që nuk e di, e që është manipulimi me të gjitha mënyrat i zgjedhjeve të 25 prillit. Kjo del qartë dhe në analizën e bërë, por e përsëris nuk ka shqiptar që nuk e di, i madh apo i vogël, i majtë apo i djathtë qoftë. Të tjerat nesër në Kuvend!”