Shifrat zyrtare të COVID-19, Basha: Fshehin të vërtetën, shqiptarët po vdesin trotuareve

Kryetari i Partisë Demokratike, Lulzim Basha, e nisi bashkëbisedimin e sotëm me diskutimet në parlament mbi pandeminë, të cilat i quajti një maskaradë, sot kur kemi 493 të vdekur dhe statistikat zyrtare nuk e shfaqin të vërtetën ndërkohë shqiptarët po vdesin trotuareve.

“Dënoj maskaradën që po zhvillohet në parlament. ku mininistria e shëndetësisë po mundohet të mbulojë me shoshë dështimin e ramës me codiv-19. Sot kemi 493 të vdekur, kjo sipas statistikave zyrtare, që sic e dini nuk shfaqin të vërtetën. Jam në dijeni të disa rasteve të personave të vdekur me covid, që kurrë u raportuan si të tillë. Me qëllim që të gënjejnë për numrin e viktimave, e njëjta vlen edhe për të prekurit.

Kur dikush ka simptoma e kërkon të bëjë testin i duhet të presë për 6 ditë e për 3 – 4 ditë për përgjigjen. Pra nga momenti i simptomave kalojnë 6 ditë, e tre ditë për përgjigjen. Në këtë mënyrë numri i të prekurve mbahet artificialisht i ulët po edhe përhapja e infeksionit mbahet i fshehtë. Arsyeja? Se Rama ka humbur kontrollin e menaxhimit,” tha Lulzim Basha duke shtuar se marrja e masave gënjehet me përgjegjshmëri kriminale.

“Janë përgjegjës për numrin më të ulët të testimeve. Sot me siguri numri në rritje i infeksioneve është në masë të madhe për shkak të Ramës dhe dështimit të qëllimshëm për menaxhimin e pandemisë. Nëse do bliheshin me shumë teste, nuk do pritej 6 ditë për tamponin infeksioni do kontrollohej. e lehtë të fshihehsh pas maskës.

Nuk do duhej një kohë kaq e gjatë për të izoluar rastet e infektuara, po të ishin marrë masa. E lehtë t’ia japësh përgjegjësinë qytetarit, e lehtë t’iu thurësh poezi mjekëve, që vijojnë të humbasin jetën në krye të detyrës, kur vetë nuk ke marrë asnjë masë.”

SPAK s’ka nevojë t’i çoj unë fakte, shqiptarët po vdesin trotuareve!

I pyetur nëse faktet që qeveria po fsheh shifrat reale të COVID-19, si për infektimet ashtu dhe viktimat, do t’i çon në SPAK, Basha shtoi:

“SPAK s’ka nevojë t’i coj unë faktet, më thoni kush prej jush nuk ka dëgjuar për raste infektimesh që nuk raportohen nga qeveria dhe raste vdekjesh? S’kam ndërmend të fshihem pas gishtit apo të lejoj SPAK të fshihet pas gishtit. Paratë po vidhen, shëndetësia është në kolaps. Të hapin gojët ose të hapin kraun se s’janë aty për të përpirë taksat e shqiptarëve,” tha Kryetari i PD, Lulzim Basha, ndërsa për akuzat e ministres Manastirliu nag foltorja e parlanentit, ai tha se fjalët e saj nuk e zhbëjnë situatën:

“Të mbyll gojën unë kur shqiptarët vdesin trotuareve? Opozita i mori paratë për tamponet? Ata janë kapur me presh në duar duke vjedhur dhe i lënë njerëzit të vdesin rrugëve, i lënë mjekët në mëshirë të fatit.”