Shit-blerja e votës, Rama: Jemi të hapur të diskutojmë, pa qenë të detyruar të biem dakord!

Fjalën, kryeministri Edi Rama e ka armën më të fortë. Kjo është dhe arsyeja kryesore pse miqtë e tij ishin pronarë mediash dhe arriti që të gjitha, pa dallim, ti shndërroj në llum, Dhe sot nga foltorja e Parlamentit i akuzon.

Filloj nga arma e tij më e fortë, fjala, që kur bëhet togfjalësh dhe del nga goja e Edi Ramës është për psikologun. Tha, se jemi të hapur të diskutojmë pa qenë të detyruar të biem dakord. 

“Kemi mundësi të adresojmë të gjithë problematikën e përmirësimit të zgjedhjeve, duke pasur parasysh në radhë të parë rekomandimet e OSBE/ ODIHR prë të cilat KE na ka kërkuar të reagojmë. Kemi mundësi të diskutojmë dhe tema të tjera. Jemi të hapur të diskutojmë pa qenë të detyruar të biem dakord.”

Pra edhe pse e ka të paraprakisht se nuk bien dakord, Edi Rama tha se do të bëjnë propozimet e tyre dhe mund të shtrëngojnë më shumë rrethin për ata që kanë ushtruar shit-blerjen e votës. Pse?! Arsyetimi është epik, edhe pse vetëm partia e tij na del në përgjime si shit-blerës i votës:

“Nuk mund të vazhdojmë më të jemi mish për top i kujtdo që i teket të sajojë e të futet në shtëpi.”

Dhe jo vetëm kaq! Foli edhe për botën mediatike, të cilën e përdori, e shndërroi në llum dhe sot e akuzoi:“Do të vijmë në parlament me një draft të dakordësuar nga OSBE do kërkojmë të shtrëngohet qartë me ligj rrethi i atyre që e kanë kthyer botën mediatike në llum dhe që e bëjnë të pamundur për njerëzit të ndajnë kush informon dhe kush i thith gjakun. Jemi gati të bëjmë bashkëpunimet e duhura.”