Shitja e Universitetit New York në Tiranë, Ndoka: Hiqet flamuri i SHBA, vendoset flamuri turk!
Pas shitjes së Universitetit New York në Tiranë, një kompanie turke që thuhet se ka lidhje me Presidentin e Turqisë, Rexhep Taip Erdogan, kryetari i Partisë Demokristiane, Nard Ndoka reagon duke theksuar se kemi të bëjmë me një financim të posaçëm shtetëror për influenca otomane në Kosovë e Shqipëri, në ekonomi, arsim, kulturë, histori e religion.
“Strategjia turke, po pranohet zyrtarisht nga Rama e Thaçi; nënshtrim, çorientim apo tradhëti kombëtare?! Hiqet flamuri i SHBA-ve, vendoset flamuri turk!” thekson Nard Ndoka duke shtuar se kërkesa e përsëritur e Erdoganit për Ramën, për mbylljen e shkollave të Gylenit, dhe frika e Ramë nga SHBA, bëri që kryeministri i Shqipërisë të zgjedhë një mënyrë të kamufluar me dy rrymat turke, prezente në Shqipëri, ndërsa përfundon :
“SHBA vëzhgon! Zgjohu Edi Rama, “byrazeri” yt Erdogan, po ta fut pa e ndjerë; apo kështu të pëlqen!”
Ja postimi i plotë:
Shteti Turk blen Universitetin New York në Tiranë.
Financim i posaçëm shtetëror për influenca otomane në Kosovë e Shqipëri; në ekonomi, arsim, kulturë, histori e religion.
Strategjia turke, po pranohet zyrtarisht nga Rama e Thaçi; nënshtrim, çorientim apo tradhëti kombëtare?!
Hiqet flamuri i SHBA-ve, vendoset flamuri turk!
Kerkesa e përsëritur e Erdoganit për Ramën; mbyllja e shkollave të Gylenit, sipermarrje private. Rama nën frikën e SHBA-ve, zgjodhi një mënyrë të kamufluar; dy rrymat turke, prezente në Shqipëri. SHBA vëzhgon!
Zgjohu Edi Rama, “byrazeri” yt Erdogan, po ta fut pa e ndjerë; apo kështu të pëlqen!
