Shkarkimi i Presidentit/ Debati, Spartak Braho kundër Metës; Ralf Gjoni: Zoti Braho mbaroi komunizmi!
Sot Komisioni i Ligjeve shqyrtoi kërkesën e 55 deputetëve të mazhorancës për shkarkimin e Presidentit të Republikës, ku për habinë e të gjithëve më i zëshmi ishte Baba Taku i Ilir Metës.
Në një moment madje u zhvillua dhe një debat mes deputetëve “miq” të Ilir Metës, Spartak Braho dhe Ralf Gjoni, kur ky i fundit pasi u fye rëndë i kujtoi Brahos së nuk është më në komunizëm dhe nuk është prokuror.
Spartak Braho: “Më vjen mirë që një koleg i joni, zoti Fino, ndonëse ekonomist në profesion paraqiti me kompetencë arsyet pse dekreti i presidentit është i pabazuar në ligj e kushtetutë. Ndërkohë që vërej deputetë të tjerë nuk e kanë kuptuar akoma pse kanë ardhur sot. I dashur Ralfi, dekreti i presidentit nuk është llastik për të mbathura, që mund të të hapet sa herë dhe sa të duash. Është shtyllë dhe neni 92/2 thotë Presidenti i Republikës dekreton zgjedhjet. Nuk ka më as çdekret as njoftim, as vendim. Çdekretimi që ai ka paraqitur nuk parashikohet fare në Kushtetutë.
Ne sot nuk jemi mbledhur për të shkarkuar presidentin, kuptoje dhe këtë, jemi mbledhur për të nisur një procedurë që do të konkretizohet me ngritjen e një komisioni hetimor, apo grupi hetimor që do të konstatojë nëse është shkelje e rëndë apo jo dhe më pas do të vendoset. E kupton këtë që të them apo jo.”
Ralf Gjoni: E kuptoj shumë mirë, më mirë se ty zoti Braho
Spartak Braho: Le ti japim mundësi parlamentit të nisë procedurën ta hetojë situatën. Ishalla presidenti nuk e ka shkelur rëndë që të shkarkohet por për mendimin tim shkelja është e rëndë megjithatë të ngrihet një komision hetimor. Mund të bëj thirrje që ti të jesh anëtar i atij komisioni dhe ta shikosh me sytë e tu që presidenti e ka shkelur rëndë Kushtetutën. Unë bashkohem me konkluzionet që relatoi zoti Fino dhe le ti hapim rrugë komisionit hetimor.
Debati vazhdoi pa mikrofon, Spartak Braho fyen Ralf Gjonin dhe reagimi i Gjonin bëhet publik:
“Kontrolloni anëtarët e komisionit si flasin. Nuk jemi në komunizëm. Zoti Braho mbaroi komunizmi. Me të njëjtën mendësi juriste në 1990 ju kaluat 7501 dhe i morët të drejtën e pronësisë cdo qytetari shqiptar. Mos na bëni arrogancë juridike. Mos mu drejto mua . Nëse ke problem me presidentin adresoja presidentit. Edhe fjalët kursej. Kujdes se nuk je prokuror.”
Pas Kryetari i Komisionit të Ligjeve, Ulsi Manja e dëgjon ftohtë Ralf Gjonin pa reaguar, ky i drejtohet Ulsiut:
“Zoti kryetar u përdor fjalë fyese. Nuk është prokuror komunizmi këtu!”
Por për paligjshmërinë e Komisionit të Ligjeve ndonëse ishin disa jurist, nuk u shqetësua njeri. Madje Ulsiu vazhdoi me propagandë duke theksuar atë që të gjithë e dijnë se Ilir Meta ka refuzuar të shkoj në Komision, dhe sërish Ralf Gjoni kërkoi sqarime nga Ulsi Manja:
“E kam njoftuar Presidentin për mbledhjen e komisionit Kreu i Shtetit i ka kthyer përgjigje Komisionit të Ligjeve me shkrim dhe nuk e çmon të nevojshme të paraqitet para komisionit. Kjo nuk e pengon punën e komisionit për të vijuar proceduren e shkarkimit,” vazhdoi Kryetari i Komisionit, Ulsi Manja, por kjo për Ralf Gjonin është show televiziv:
Ralf Gjoni: Kush e përcakton se Presidenti ka shkelur Kushtetutën? Nuk jam pro Dekretit të Presidentit pasi nuk është i bazuar në Kushtetutë, por unë besoj në institucione dhe këtë mund ta bëjë vetëm Gjykata Kushtetuese. Është i nxituar vendimi për shkarkimin e Presidentit. Kjo procedurë shkarkimi është një lojë politike për të bërë show televiziv,” tha Ralf Gjoni ndërkoi mjeshtri Bashkim Fino kalon topin në një tjetër fushë edhe pse nuk ka lidhje me diskutimin që po zhvillohej”
“Më bën përshtypje letra e Metës pasi ka përdorur një gjuhë ironike, paragjykuese dhe hipokrite.”
