“Shkarkimi i Presidentit Meta”, Gjykata Kushtetuese cakton datën…

Gjykata Kushtetuese ka vendosur që seanca për shqyrtimin e çështjes së shkarkimitë Presidentit të Republikës, Ilir Meta, të zhvillohet më 18 janar 2022, në ora 10:00.

Më 9 qershor të këtij viti, 104 deputetë nga 140 sa ka Parlamenti i Shqipërisë kanë votuar për shkarkimin e Presidentit Meta.

Mazhoranca socialiste e fajëson Ilir Metën për deklarata publike para dhe gjatë fushatës për zgjedhjet parlamentare 2021, të zhvilluara më 25 prill të këtij viti, të cilat kanë nxitur dhunë dhe kanë shkelur Kushtetutën.

Votimi u bazua në gjetjet e raportit të hartuar nga një Komision Hetimor me pjesëmarrjen e llumit opozitar.

Sipas raportit, presidenti Meta ka shkelur më shumë se 10 Nene të Kushtetutës gjë që, sipas maxhorancës socialiste, ka sjellë mosgarantimin e unitetit kombëtar duke mbajtur anën e opozitës para zgjedhjeve të 25 prillit dhe nxitur destabilitet dhe dhunë.

Nëse Gjykata Kushtetues e konsideron të ligjshëm vendimin e Parlamentit, Ilir Meta duhet ta lerë postin e Presidentit të Republikës, mandati i ligjshëm i të cili përfundon në muajin korrik të vitit 2022.

Presidenti Meta e ka konsideruar të paligjshëm Komisionin Hetimor, ka hedhur poshtë akuzat e mazhorancës dhe e ka cilësuar antikushtetues vendimin e parlamentit për shkarkimin e tij dhe të orkestruar nga PS për hakmarrje politike.

Ndryshe, ishte po kjo mazhorancë socialiste që ka votuar shkarkimin, ajo e cila e ka zgjedhur President të Republikës duke i dhënë 87 vota në vitin 2017!