Shkarkohet Agim Kajmaku, Basha: PS nuk nxjerr dot kandidatë të painkriminuar!
Pas shkarkimit të Kryetarit të Kryetarit të Bashkisë Vorë, Agim Kajmaku, Kryetari i Partisë Demokratike, Lulzim Basha, tha se Edi Rama nuk nxjerr dot nga PS kandidatë të painkriminuar, e të gjithë ata që kishin dyshime se 2013, 2015, 2016, 2017 apo 2019 janë rastësi tani kanë të gjitha provat që ka qenë një skemë e mirëmenduar e Edi Ramës për t’i dorëzuar pushtetin krimit.
“Poshtërim për PS në radhë të parë, nga e cila nuk nxjerr dot kandidatë të painkriminuar, të padënuar por nxjerr llumin e llumit por është edhe një poshtërim edhe për shqiptarët që shkëlqejnë kudo në botë por në vendin e tyre qeverisen nga kriminelë, trafikantë, hajdutë, nga të korruptuar që e kanë vendin në burg e jo në qeverisje.”
Të gjithë ata që kishin dyshime, tha Lulzim Basha, sot marrin dhe përgjigje pse Edi Rama qeveris me krimin:
“Për këdo që ka pasur dyshime dhe ka menduar se 2013, 2015, 2016, 2017 apo 2019 janë rastësi tani ka të gjitha provat që ka qenë një skemë e mirëmenduar e Edi Ramës për t’i dorëzuar pushtetin krimit. Prandaj qeveris me krimin dhe e mban pushtetin me krimin.”
Për këtë arsye dhe jo vetëm, Kryetari i Partisë Demokratike, Lulzim Basha, thekson se cila është dhe zgjidhja e vetme:
“Zgjidhja e vetme është që t’ia kthejmë qeverisjen shqiptarëve. T’ia kthejmë parlamentin shqiptarëve me zgjedhje të parakohshme parlamentare, me një qeveri kujdestare që do të garantojë votën e tyre, ju faleminderit.”
Ndryshe, Kryetari i Bashkisë Vorë, Agim Kajmaku, është kryetari i dytë i dalë nga zgjedhjet e 30 Qershorit pas Kryetarit të Bashkisë Shkodër, Valdrin Pjetri, që pas denoncimit të Partisë Demokratike për të kaluarën kriminale, Prokuroria e Përgjithshme konfirmon akuzat dhe KQZ i ndërprenë mandatin.
