Shkarkohet Drejtori i Agjencisë për Administrimin e Pasurisë së Sekuestruar

Ministria e Drejtësisë në Kosovë, ka shkarkuar Drejtorin e Agjencisë për Administrimin e Pasurisë së Sekuestruar, Rrahim Rama. Vendimin e ka bërë të ditur ministrja në detyrë e Drejtësisë, Albulena Haxhiu.

“Sot, u njoftuam se mbi bazën e të gjeturave tona, Komisioni Disiplinor për Pozitat e Nivelit të Lartë Drejtues, ka shqiptuar masën disiplinore ‘Ndërprerje e marrëdhënies së punës’ për drejtorin e kësaj Agjencie, për shkak të keqmenaxhimit, joprofesionalizimit, mungesës së transparencës, si dhe mosgatishmërisë për bashkëpunim në kryerje të detyrave të tij ligjore,” thekson ministrja Albulena Haxhiu duke shtuar se Rrahim Rama gjithashtu ishte zgjedhur në mënyrë të kundërligjshme.