Shkarkohet edhe prokurori Arben Nela, KPK thotë se ka fshehur pasurinë/ Ja reagimi…
KPK ka vendosur sot të shkarkojë nga detyra prokurorin e rrethit gjyqësor Tiranë Arben Nela. Ky I fundit kandidat për Këshillin ë Lartë të Prokuorisë, u përball me Komisionin e Pavarur të Kualifikimit në 18 Korrik.
Trupa gjyqësore e përbërë nga Etleda Çiftja, Valbona Sanxhaktari dhe Pamela Qirko u shpreh se “deklarimi i pasurive nga prokurori Arben Nela nuk është i saktë”.
Sipas Komisionit të Pavarur të Kualifikimit (KPK), Arben Nela ka kryer fshehje pasurie.
Konstatimi per pasurine
Ka një aprtament me sip 99 m2 në pronësi të Arben Nelës dhe bashkëshortes së tij me vlerë 41 mijë euro. Blerja e këtij apartamenti është realizuar nga pagat e Nelës dhe bashkëshortes së tij qysh prej vitit 1999 dhe një hua marrje prej 25 mijë eurosh nga motra e bashkëshortes. Sa i përket shumës 25 mije euro nuk është qartë si është marre kjo shumë dhe si është shlyer. Ka një banesë me sipërfaqe 121 m2 në Lanabregas që është në pronësi të Nelës. Ka mungesë të burimit të ligjshem financiar për blerjen e truallit. Nga hetimi i KPK doli në perfundimin se ka mospërputhje në deklaratën e vetingut të 2017. Ka mospërputhje të vlerës së deklaruar për ndërtimin e banesës 3 katëshe, e të atit të Nelës, ndërkohë që ai ka vetëm një kat, pjesa tjetër është e të atit dhe vëllezërve. Ka mungesë dokumentacioni nga babai i Nelës.
Reagimi I Prokurorit
Në deklaratën e parë para KPK prokurori ka theksuar se ka bërë deklarim të saktë.
“Kam deklaruar saktësisht pasuritë, nuk kam kryer fshehje dhe deklarim të rreme”, ka sqaruar ai.
Personi huadhënes është motra e bashkëshortes, e cila sipas tij ka patur të ardhura me burime të ligjshme. Nga viti 2000 deri në 2006 ka patur një shumë prej 270 mijë euro me burime të ligjshme.
“ILDKPKI ka paraqitur një raport në kundërshtim me ligjin e vetingut, pasi ka dalë në përfundimin se kam kryer deklarim të rremë. Raporti është i shtrembëruar, nuk janë kryer analiza financiare për të analizuar mungesë e burimit të ligjshëm. ILDKPKI në kundërshtim me ligjin e vetingut ka përfshirë në hetimin pasuror vëllezërit e mi”, ka thënë ai.
Raportohet se KPK i ka kërkuar ILDKPKI masat e mara ndaj Arben Neles, por thjesht i është bërë përshkrim por nuk i ka është dërguar përgjigje e saktë.
“ILDKPKI nuk ka administruar raportin e kontrollit të kryer në 2009 dhe ky fakt më bën të dyshoj se raporti është i shtrembëruar. Në kushtet kur nuk vihet në dispoziicon raporti i kryer në 2009, por dorëzohet vetëm raporti i 2017 me fakte dhe prova të paqena mendoj se ky akt kontrolli është i pavflefshëm”, tha ai.
Për apartamentin me sipërfaqe 99 m2, pagesa është bërë në kesh me 3 mandate, ndërsa pjesa tjetër e pagesës është kryer përmes bankës. Pagesa është kryer kesh e gjitha, 41,5 mijë euro, por po diskutohet vetëm shuma prej 25 mijë euro. Kjo shumë është derdhur më pas në bankë nga punonjës të firmës të ndërtimit të pallatit në emër të bashkëshortes.
Arben Nela e ka nisur karrierën në vitin 1998 në Prokurorinë e Rrethit Gjyqësor Fier dhe në vitin 2006 ai është transferuar në Durrës, ku ka shërbyer deri në vitin 2008. Në të njëjtin vit Nela është transferuar në Prokurorinë e Rrethit Gjyqësor Tiranë.
