Shkarkohet ministri brazilian i Kulturës, fjalim të ngjashëm me Goebbelsin

Deri sa në Shqipëri politikanët mbledhin votat duke qenë në shoqëri të ithtarëve të diktatorit Enver Hoxha dhe gazetat vazhdojnë të shiten me foton e tij në faqe të parë, në Brazil ministri i Kulturës shkarkohet sepse fjalimi i tij ishte i ngjashëm me disa pjesë nga fjalimet e shefit nazist të propagandës, Joseph Goebbels.

Ministri i Kulturës, Roberto Alvim, me rastin e ndarjes së çmimit për art, në një video përmes rrjetit social Twitter foli për çmimet mbi artin “heroik” dhe “kombëtar” ndërsa në sfond dëgjohej opera e Lohengrin Richard Wagner, që ishte kompozitori i preferuar i Hitlerit. 

Pjesë të ngjashme nga fjalimet

Fillimisht Alvim tha se bëhet fjalë për “rastësi retorike” ndërkohë videon e fshiu nga Twitter, raporton BBC.

“Arti brazilian i dekadës së ardhshme do të jetë heroik dhe kombētar, do tē mbështetet me mundësi të forta të lidhjes emocionale (…) e lidhur ngusht me aspiratat e njerëzve tanë ose nuk do tē ketë asnjē vlerë,” tha Alvim në videon gjashtëminutshe ku flet për Çmimet kombëtare për artin. 

Pjesē nga ky fjalim ishin të ngjashme me fjalimin i cili është cituar në librin Joseph Goebbels: Biografia e historianit gjerman Peter Longerich i cili ishte autor i disa veprave mbi Holokaustin.

Ndryshe, Goebbels ishte ministër i propagandës, e cila u krijua pēr shpëlarjen e trurit tē njerēzve dhe lavdērimin e Adolf Hitlerit.

Metodat e tij ishin censura e mediave dhe kontrolli i radiostacioneve si dhe fushat e kulturës dhe artit.