Shkatërrimi i familjes, pronës private dhe shtetit!
Ditët e fundit me zotërimin e mandatit të katërt nga Edi Rama dhe partia e tij kriminale, shqiptarët që për shumë vite flisnin për fundin e tranzicionit postkomunist tashmë janë dëshmitarë për fundin e shtetit!
Pavarësisht se Edi Rama në ditët e fundit të viteve 90-të kërkonte varjen e të gjithë atyre që ishin fajtor për instalimin e komunizmit në tokën shqiptare, sot, është vetëm Edi Rama ai i cili ka zbatuar me përpikëri ato projekte kriminale për të arritur në ditën, që ashtu siç e parashikonte Friedrich Engels, shteti do të përfundoj në muzeun e antikiteteve, pranë tij rrota tjerrëse dhe sëpata e bronzit!
Në masë të madhe, regjimi i Enver Hoxhës i shkurtoi kohë dhe punë Edi Ramës pas shkëtarrimit që i bëri familjes dhe sot patronazhistët që menaxhn nuk flasin dot më për prejardhjen e familjes; Dhe, gjithçka çfarë mund të thuhet është, Gjyshja katolike!
Fat ky i keq edhe për pronën private, që i hapi rrugë një grupi të njerëzve që përvetësuan gjithë makinerinë shtetërore për të kontrolluar ujin, ajrin dhe tokën ndonëse kapital fillestar kishin vetëm 3.300 dollar!
Shumë prej lexuesëve që vazhdojnë ta kenë idhull Edi Ramën mund të thonë se “Prejardhja e familjes, pronës private dhe shtetit” e Friedrich Engels është përkthyer në shumë gjuhë dhe askush nuk po e zhduk shtetin si Edi Rama por të lexosh italisht “L’origine della famiglia, della propriété privata e dello stato”. Versione riveduta dall’autore, di Pasquale Martignetti. Benevento 1885; Rumanisht “Originà familiei, propriefâ, ei private çi a statului”. Traducere de Joan Nâdejde, në revistën “Contemporanul” në Jashi, nga shtatori 1885 deri në maj 1886; Danisht, “Familjens, Privatejendommens og Statens Oprindelse”. Dansk af Forfatteren gennemgaaet 12 Udgave, besorget af Gerson Trier. Kobenhavn 1888; Ose, dhe, frëngjisht të përkthyer nga Henri Ravéa, duhet të kesh edhe një kriminel si Enver Hoxha në mënyrë që fillimisht ta zhduk familjen dhe pronën private.
Shkatërrimi i familjes
Të gjithë e mendojnë Sigurimin e Shtetit si një mekanizëm represiv në duart e një maniaku si Enver Hoxha për të ruajtur pushtetin.
Por, Enver Hoxha kishte mbrapa një klasë analfabetësh të bindur se me zhdukjen e kapitalizmit prona do të menaxhohej nga kjo turmë që mori edhe armën në dorë!
Me ardhjen në pushtet, e para që duhet të zhdukte Enver Hoxha ishte historia e familjes nga Bachofeni te Morgani, në mënyrë që ata të cilët ishin rritur me moral dhe punë të ndershme ta ndjenin veten të barabartë me horrat e maleve që morën pushtetin në Tiranë!
Kështu dhe ndodhi, të pabindurit u arrestuan dhe familjet e tyre u internuan!
Me menynë e dheut dhe gurëve, përdhunimit të grave nga sigurimsat, keqtrajtimit të fëmijëve që vazhdonin me kokën e tyre ndonëse jetonin në kampe internimi, si dhe një klase që konsiderohej e denjë për ngritjen e socializmit, u shkatërrua familja shqiptare e cila përveç e uritur për bukë, ishte e etur për gjak, dhe po trasonte rrugën për krijimin e një shteti ku proletariati do të fitonte pjekurinë për qeverisje përmes të drejtës së votës, që deri në ato momente, sipas tyre, e kishte vetëm klasa e pasur.
Pa familje dhe besimin në Zot, por me servirjen e qytetërimit komunist i cili i dha një klase të gjitha të drejtat, ndërkohë klasës tjetër i dha të gjitha kompetencat, e gjithë pasuria e përvetësuar duhej të sigurohej, sipas Engelsit, jo vetëm kundër traditave komuniste, ishte, Shteti.
Shkatërrimi i pronës
Të gjithë ata që u degdisën burgjeve si trashëgimtarë të kapitalizmit nuk e kishin mendjen te pasuria që u kishin marrë opingaxhitë e fshatit, por, me ardhjen e asaj që u quajt demokraci e kuptuan se nuk kishin as shpi e as katandi, as çiflig dhe asnjë gram flori nga ato mijëra karroca me flori që ju kishin plaçkitur komunistët.
Prona, ajo që konsiderohej e shenjtë, për shenjtorë kishte horrat komunistë, të ngjashmit e Edi Ramës të cilëve u mungonte vetëm vula e shoqërisë që tashmë ishte e ndarë në dysh ndërsa po jetonte në shtetin e krijuar me dy klasa, asaj të pasur që po e shfrytëzonte klasën e varfër!
Ashtu siç Friedrich Engels në veprën e tij gjeti Shtetin, lidershipi komunist shqiptar gjeti Edi Ramën tashmë i bindur pas menaxhimit të trazirave të vitit 1997 se klasa punëtore ishte pjekur dhe nuk e konsideron më rendin shoqëror ekzistues si të vetmin të mundshëm, dhe, do të jetë politikisht një gur shahu i klasës së zengjinëve të rinj që krijoi komunizmi.
Me krijimin e idesë se ata kanë edhe të drejtën universale të votës vetëm pasi prona e tyre që ishte nëpërkëmbur nga “Saliu”, u kthye në pikën e vlimit të kësaj klase nga vetë ata ndonëse i bëri kapitalistë vetëm disa prej tyre, dhe e kuptuan se çfarë është shteti; Ai, i cili në mendjen e tyre nuk kishte ekzistuar kurrë!
Por, në duart e kujt ishte pasuria?! Jo rastësisht në duart e Sigurimit të Shtetit, i cili me firmat piramidale nuk bëri vetëm manipulimin e këtyre kapitalistëve por testoi dhe ndjeshmërinë ndaj pronës që mund të kishin të gjithë ata, të cilëve regjimi komunist u ishte marrë prona!
Bashkia Tiranë me në krye Edi Ramën tregoi se cila është kjo ndjeshmëri me eksperimentin 35 vjeçar, ku prona iu dha dhe iu mor sërish vetëm atij për të cilin vendoste Rama, shfaqja e tij me sëpatë për të pushtuar edhe pronën publike tregoi se shteti po asfiksohej, ose siç e thotë edhe Engelsi, nuk ka ekzistuar gjithmonë!
Nga sëpata deri te fadroma, jo vetëm Edi Rama por edhe shteti të cilin po drejton sot, tregon se ndarja e klasave në “Ne dhe Ata” ishte domosdoshmëri për mënyrën komuniste që ai qeveriste ashtu sikur se edhe shteti, dhe, sot, për zengjinët që përcaktoi Sigurimi ndërsa do të zhvillojnë pasurinë e tyre, pengesë do ta kenë si ndarjen e klasave që e krijoi partia kriminale e Edi Ramës ashtu dhe shteti që më nuk ka as kuptim!
Sot, aty ku është Samir Mane është kromi, hoteli, uji dhe tuneli, aty ku është Qet Kastrati është nafta, porti dhe aeroporti, aty ku është Bashkim Ulaj është rruga, autostrada dhe kulla, dhe, aty ku është Edi Rama është, paraja!
Çdo stanjacion në hallkat e këtyre zinxhirëve zgjidhet me trafikun e kokainës!
E kujt i duhet shteti, këtë edhe Friedrich Engels e kishte të qartë! Vetëm se Engelsi e parashikonte fundin e shtetit në muzeun e antikiteteve, pranë rrotës tjerrëse dhe sëpatës prej bronzi, ndërsa Edi Rama i dha fund këtij shteti me ndërtimet pa leje në Theth, blerjen e akullores në Hagë me avion charter, dhe, urdhërin për Lali Erin të vazhdoj të lëpihet në biruc!
