Shkëputet shkëmbi në Përmet, shembi shtëpinë dhe bllokoi 25-vjeçarin! Policia: I zuri gjymtyrët e poshtme

Një 25-vjeçar ka mbetur i bllokuar në shtëpi, pasi një masë shkëmbore është shkëputur nga mali dhe i shembi shtëpinë e Thoma Vangjelit në fshatin Çarçovë të Përmetit.

Policia njofton se i riu Dhimitër Vangjeli ka mbetur i bllokuar në pamundësi për të lëvizur, pasi masivi shkëmbor i ka zënë gjymtyrët e poshtme.

Shërbimet e Policisë, zjarrfikësit dhe autoambulanca kanë mbërritur në vendngjarje dhe po vijon puna për nxjerrjen e 25 vjeçarit Dhimitër Vangjeli.

Ndryshe, banorët në fshatin Çarçovë të Përmetit kanë kërkuar heqjen e masave shkëmbore prej vitesh duke paralajmëruar për rrezikun, por ankesat kanë rënë në vesh të shurdhër me pretendimin se masivet shkëmbore nuk mund të hiqeshin pasi duheshin mjete të specializuara.