Shkodër/ Çmenduria e Ramës, vrasësit në kafe, debitorët e OSHEE në burg…

Shkodra gëdhihet me një vrasje të tmerrshme në lagjen “Guerrile”, dhe derisa vrasësi vazhdon punet e tij të përditshme duke pirë kafen e mëngjesit, OSHEE mburret në këtë qytet se me ndihmën e policisë janë arrestuar dhe proceduar penalisht gjatë natës së mbrëmshme 51 persona, pasi akuzohen për vjedhje të energjisë elektrike.

OSHEE thotë se është e detyruar të përsërisë faktin se askush nuk kallëzohet në polici se është debitor ndaj faturave, por në zbatim të nenit 137 të Kodit Penal ndëshkohen ata persona që:

Vjedhin energjinë elektrike dhe dëmtojnë matësin.

Gjithashtu, “Çdo ndërhyrje tjetër e paligjshme dhe e paautorizuar në sistemin e matjes apo në rrjetin elektrik me qëllim përfitimi të paligjshëm, përbën vepër penale dhe dënohet me burgim deri në tre vjet’, thuhet ne nenin 137.