Shkodër, përurohet Memoriali në përkujtim të brezave që vuajtën persekucionin komunist

Sot u përurua Memoriali në përkujtim të brezave që vuajtën persekucionin komunist. si memoriali i parë i kesaj madhësie dhe rëndësie i ndërtuar në Shkodër dhe Shqipëri.

 “Sot, Shkodra përjetësoi heronjtë e saj, vendosi në vendin e merituar prej dekadash, sakrificën e mijëra qytetarëve të vet në përballjen me diktaturën komuniste,” u shpreh kryetarja e Bashkisë Shkodër, Voltana Ademi.

Në ceremoninë e përurimit të Memorialit ishin të pranishëm personaliteteve të njohura shqiptare dhe jo vetëm, të persekutuarë politikë dhe Kryetari i Partisë Demokratike, Lulzim Basha.  

Ndryshe, Bashkia Shkodër, në bashkëpunim të ngushtë me të persekutuarit politikë, organizatën “Drejtesi dhe Paqe” dhe donatorë të huaj, kanë punuar prej disa vitesh e më në fund u realizua një kryevepër memoriale, që pasqyron në veper realitetin e vuajtjes së intelektualeve, klerikëve, të rinjve, burrave grave, nënave e familjeve tona, që vuajtën, u vranë e u interrnuan.