Shkodër, plagoset Ish-Kryetari i PS

Sot në Shkodër është plagosur me armë zjarri, Ish-Kryetari i PS Vaui i Dejës, 54-vjeçari Nikolin Huba.

Ai është qëlluar me dy plumba në këmbë dhe ndodhet në spital, jashtë rrezikut për jetën. Ndërkohë, autori është larguar me shpejtësi me një motor, menjëherë pas ngjarjes.

Mësohet se Nikolin Huba aktualisht është delegat i PS dhe punonjës në Hidrocentralin e Komanit, ndërsa bashkëshortja e tij është anëtare e Këshillit Bashkiak.

Grupi hetimor ka nisur punën për sqarimin e rrethanave dhe zbardhjen e ngjarjes.

Shkodër/Informacion paraprak

Më datë 04.09.2021, rreth 10:15, në afërsi të shkollës Pyjore, Shkodër, në rrethana ende të paqarta është plagosur me armë zjarri në këmbë, jashtë rrezikut për jetën shtetasi Nikolin Huba, 54 vjeç, banues Vau Dejës.

Në vendngjarje kanë mbërritur menjëherë shërbimet e Policisë ku vijon krehja e zonës për kapjen e autorit.

Grupi hetimor nën drejtimine Prokurorisë ndodhet në vendngjarje dhe vijon punë për sqarimin e rrethanave dhe zbardhjen e ngjarjes.