“Shkodra qyteti më i pistë në Shqipëri”, Rama do e pastroj me qytetarë nga Bangladeshi

Qytetarët e Shkodrës kanë shumë arsyet të moso e votojnë Kryeministrin Edi Rama, por deklaratat e tij sot në një takim elektoral në këtë qytet e bëjnë situatën shumë më serioze sa të komunisti që shanë këtë qendër të kulturës shqiptare. Hodhi një lum akuzash mbi Kryetaren e Bashkisë Shkodër, Voltana Ademi, duke e kosnideruar një bashki qorre dhe shembullin më drithërues i injorancës dhe prapambetjes, por Shkodrën e cilësoi qytetin më të pisët në Shqipëri, sepse Edi Rama thjeshtë e urren.

Nuk tregoi pse i munguan Fondet nga Qeveria por çuditërisht në këtë qytet të pistë do të sjellë qytetarë nga Bangladeshi sepse shkodranët na qenkan edhe dembel.

“Na ka ngec sharra në gozhdë, se këtu është një lloj gozhde që s’ka sharrë që i bën derman. Është një lloj gozhde e ngulur në tru, që e thanë dhe e thanë trurin. Ata e kanë mendjen tapë. Nuk dua të shfajësohem, se ne kemi borxhe ndaj Shkodrës, e cila është pjesë e pandashme e gravitetit të historisë sonë, kulturës e traditës sonë. Shkodra është një potencial i jashtëzakonshëm. Nuk kanë më shumë se Shkodra ato qytete që sot janë në proces të pakthyeshëm transformimi, madje ka më shumë Shkodra. Unë jam këtu sot për t’iu thënë shkodranëve se nëse duan të na japin mundësinë të shlyejmë borxhet tona, të na japin mbështetje. Për të mbështetur Shkodrën ne i kemi ardhur vërdallë kufijve të vendosur nga një bashki qorre, që është shembulli më drithërues i injorancës, prapambetjes, inercisë, duke shkuar qorrazi drejt të ardhmes. I kemi ardhur rrotull dhe kemi ndërtuar rrugën Shkodër-Velipojë, një rrugë turistike që ishte një premtim dembabadem i të gjitha herëve që PD ka ardhur këtu për të marrë votën dhe që nuk u ndërtua kurrë.

E ndërtuam ne, duke i ardhur rrotull se nuk merrnim dot leje në bashki. Ata duan ta mbajnë Shkodrën në këtë gjendje. Komunizmi ka vdekur dhe mban peng vetëm Shkodrën, nga këta që e përdorin komunizmin për të marrë peng gjithë Shkodrën. Nuk mundet dot ti të shkosh të votosh, sikur shkon për të bërtitur në stadium ditën e diel, se të hënën dita vazhdon. Dhe kur ti ja jep votën një idioti, je peng i tij. Shkodra ka mbetur peng e një idiotësie prej 30 vitesh, me idenë se po i reziston komunizmit, që ka vdekur dhe që s’ka asnjë shans të ringjallet, por rri gjallë në formën e fantazmës këtu në Shkodër. Si prishet fare terezia asaj kryetares së Bashkisë se çfarë ndodh me plehrat. Shkodra është qyteti më i pistë i Shqipërisë, ku nuk mblidhen plehrat. Është qyteti me më shumë gropa në vend. Këtu është qytet që ka mbetur ora. Por, punët e veta edhe kryetarja e bashkisë, edhe ata të shpurës së PD, që venë e vinë sa këtu sa në Tiranë për të bërë deputetin e Shkodrës, i kanë në terezi. Lufta që bëjnë sot është prapë për punët e tyre, jo për punët e Shkodrës apo të Shqipërisë.”

Por Edi Rama nuk u mjaftua me cilësime ofenduese mbi qytetin e Shkodrës. Ai gjatë një vizite në sipërmarrjen e Gjovalin Shtjefnit dëgjoi se nuk paska punëtor në Shqipëri dhe biznesmeni shqiptar do ti sillte nga Bangladeshi. Përveç se nuk i pengoi sjellja e qytetarëve të Bangladeshit në “Shkodrën e pistë”, Kryeministri nuk pyeti nëse paguan një shqiptar 400 dollarë + shpenzimet e strehimit, sa kishte parashikuar një bangladeshas ama ishte dakord se shqiptarët janë “thashethemexhinj” e “dembelë”.

Pronari: Unë po plasi tu kërku punëtorë në Tiranë dhe Berat, a doni punë dhe nuk vjen askush. Në televizione të gjithë thonë nuk ka punë, ne kemi aq shumë punë sa nuk kemi ku ta çojmë. Para disa ditësh ne kthyem një përfaqësues të Zaras vetëm për mungesë punëtorësh. Paga nuk është 30 mijë lekë por 40 mijë lekë, sa do ta bëni ju vitin tjetër.

Rama: Katër vjet duam ne ta bëjmë 40 mijë lekë.

Pronari: Nuk ka fuqi punëtore.

Rama: Unë e di që kjo është bisedë e rrezikshme për ne se na hidhen në fyt dhe pastaj kur u tregojmë këto thonë se kjo nuk është punë, është skllavëri, është poshtërsi. Më vjen shumë keq për ata që nuk kuptojnë por nuk kemi çfarë t’u bëjmë. Ne e kemi kaluar ligjin e ri për të huajt që është shumë i thjeshtë, nuk ka fare më ato procedurat e tmerrshme. 7 ditë është procedura për të marrë punëtorë të huaj dhe po të them me këtë pagë që ke ti e ke të garantuar, kanë filluar të marrin edhe të tjerët,  punëtorët e huaj nga Bangladeshi, nga Pakistani, India.

Pronari: I kam porositur 300 në Bangladesh, 400 dollarë paga. E kanë të përfshirë edhe fjetjen.

Rama: I ke pronto, nuk dinë as shqip të merren me thashetheme.

Pronari: Do të bëj një kat apostafat për ta.

Rama: Kur të fillojnë të mësojnë shqip fillo dhe ndërroji se fillojnë thashethemet, u hyn krimbi, jo politika, jo demokracia, jo liria.

Pronari: E kishim mbyll për të ardhur më herët po na ra pandemia. Po tani do të vazhdojmë ti marrim. 400 dollarë duan ata.

Rama: Janë punë, punë dhe nuk ka llafe.

Pronari: Janë punëtorë që punojnë tamam në makinat që duam ne. Janë profesionistë.