Shkodra si në vitin 1945, Voltana Ademi: 30 Qershori është kallur!
Shtetrrethimin e Shkodrës sot nga Edi Rama vetëm e vetëm për ti dhënë masën e sigurisë personave të arrestuar në mënyrë të paligjshme në KZAZ-në e paligjshme, Kryetarja e Bashkisë, Voltana Ademi, e ka përshkruar si Shkodrën e vitit 1945.
“Sot shkodranët por edhe shqiptarët, panë me sytë e tyre, apo përmes mediave, skena që i kujtuan trajtimin që iu bë baballarëve të tyre nga diktatura komuniste.
Mbi 70 forca policie dhe FNSH-je rrethuan Gjykatën e Shkodrës dhe bllokuan qarkullimin në rrugën para saj,” reagon Voltana Ademi përmes rrjetit social Facebook duke shtuar se as kur janë gjykuar kriminelët më të rrezikshëm nuk ka patur një dislokim të tillë.
E për çfarë? Për gjyqin politik të 6 personave të arrestuar paligjshmërisht nga policia politike e Edi Ramës!
Sot nga Shkodra, Edi Rama mori përsëri mesazhin më të forte, tha Kryetarja e Bashkisë Shkodër, Voltana Ademi, që do të jehojë deri në largimin e tij nga pushteti i fituar me votime të vjedhura, me drogën që mbuloi Shqipërinë, ndërsa I bëri të qartë armikut nr.1 që ka aktualisht ky qytet, Kryeministrit Edi Rama :
“Asnjë hap pas! Asnjë tërheqje! Vetëm përpapa! Përballë tij dhe falangave të verbra që po i sherbejnë edhe në shkelje të ligjit! Nuk ka dhe nuk do të ketë asnjëherë votime pa opozitën! 30 qershori ka vdekur dhe është kallur!”
Ndryshe, armiku dhe pushtetuesi i këtij kryeqyteti të kulturës shqiptare ishte po ai i vitit 1945, komunizmi dhe shërbëtorit e tij barbar që tashmë janë në variantin më të shëmtuar me paramilitarët, bijtë dhe bijat e kriminelëve, sot erdhën sërish për ta shkatërruar Shkodrën!
Ja postimi i plotë:
Shkodra si në vitin 1945!
Sot shkodranët por edhe shqiptarët, panë me sytë e tyre, apo përmes mediave, skena që i kujtuan trajtimin që iu bë baballarëve të tyre nga diktatura komuniste.
Mbi 70 forca policie dhe FNSH-je rrethuan Gjykatën e Shkodrës dhe bllokuan qarkullimin në rrugën para saj. As kur janë gjykuar kriminelët më të rrezikshëm nuk ka patur një dislokim të tillë!
E për çfarë? Për gjyqin politik të 6 personave të arrestuar paligjshmërisht nga policia politike e Edi Ramës!
Edi Rama dhe bashkëpunëtorët e tij në krimin e vjetër elektoral të faktuar me audio- pergjimet e prokurorisë por edhe në krimin e ri që po konsumohet në sytë e të gjithë shqiptarëve, po shkon drejt fundit të tij të sigurtë në politikë.
Me lënien në burg të Alfredit dhe Gentianit, me arrestin në shtëpi për Bardhin, Adin, Aleksin dhe Orlandon, Edi Rama dhe drejtësia e kapur prej tij nuk bënë asgjë tjetër vetëm se i shtuan një tjetër faqe të zezë zullumit ku janë zhytur prej 6 vitesh.
E drejta e protestës nuk mund të burgoset, e drejta e fjalës nuk mund të na mohohet, të drejtat e fituara me sakrifica sublime nga 1990-a e këtej, nuk mund të na i gllabërojë askush!
Sot nga Shkodra, Edi Rama mori përsëri mesazhin më të fortë që do të jehojë deri në largimin e tij nga pushteti i fituar me votime të vjedhura, me drogën që mbuloi Shqipërinë:
Asnjë hap pas! Asnjë tërheqje! Vetëm përpapa! Përballë tij dhe falangave të verbra që po i sherbejnë edhe në shkelje të ligjit! Nuk ka dhe nuk do të ketë asnjëherë votime pa opozitën! 30 qershori ka vdekur dhe është kallur!
Përpara deri në fitore, në fitoren e Shqipërisë e shqiptarëve, të zgjedhjeve të lira, të ndershme e të barabarta, për Shqipërinë si gjithë Europa!
