Shkundet Shqipëria, lëkundjet e forta të tokës ndihen në disa qytete. Ja ku ishte epiqendra

Lëkundje të forta të tokës kanë zgjuar Shqipërinë në orët e para të mëngjesit me tërmetin e fuqishëm i cili ra në orën 02:42!

Qendra Mesdhetare Sizmologjike, EMSC, raporton për një tërmet i cili ra në orë 02:42, me mangitudë 4.6 të shkallës Rihter dhe thellësi 7 kilometra, me epiqendër në Detin Adriatik, 35 kilometra nga Durrësi dhe 48 kilometra nga Tirana.

EMSC raporton se lëkundjet e këtij tërmeti të fuqishëm janë ndier përveç se në Durrës, në Tiranë, Fushë Krujë, Laç, Lezhë e Shkodër ku ka shkaktuar shqetësim ndër qytetarë.

Ndryshe, pas goditjes kryesore me magnitudë 4.6 të shkallës Rihter, EMSC raporton për disa pasgoditje që variojnë nga 2.2-2.6 të shkallës Rihter ku e fundit u regjistrua në orën 03:54 ishte me magnitudë 2.2 të shkallës Rihter dhe thellësi 15 km, me epiqendër në Detin Adriatik 45 kilometra nga Durrësi.