Shkup, Rama: Ballkanin e Hapur ta lëmë mënjanë, Kovaçevski: Kjo nismë edhe më tutje do ofrojë risi!
Ballkani i Hapur thjeshtë ishte një mashtrim serb i dalë edhe nga goja e Kryeministrit të Shqipërisë dhe Maqedonisë së Veriut! Kjo u konfirmua pas takimit të Kryeministrit Edi Rama me homologun maqedon në Shkup, Dimitar Kovaçevski, kur derisa Rama tha se Ballkanin e Hapur duhet lënë mënjanë dhe të merren me Procesin e Berlinit por Kovaçevski tha se kjo nismë edhe më tutje do të ofrojë risi.
“Sot ishte kënaqësi e jona të presim mikun tonë Edin. Vendet tona nuk heqin dorë nga qëllimet tona evropiane. Për këtë rrugë ne ndërmarrim hapa për demokratizimin e shteteve tona. Për këtë drejtim ishte edhe hapi i Procesit të Berlinit. Njohja e ndërsjellë mes shteteve tona për profesione të caktuara dhe lëvizja e lirë mes shteteve tona janë qëllimet tona të përbashkëta, por edhe për rajonin në përgjithësi.
Procesi i Berlinit është i rëndësishëm, për nismat që do t’i ndërmarrim në energjetikë, ekonomi, shëndetësi dhe fushat tjera ku kemi sfida të përbashkëta. Krahas mesazheve politike, këto nisma kanë edhe përfitime financiare dhe shoqërore në rajon. Këtë nismë qytetarët e ndjejnë. Me këtë nismë ne e mbajmë gjallë idenë evropiane. Për qytetarët, gjendja ekonomike është shumë e rëndësishme dhe për këtë jemi këtu për të diskutuar,” tha Dimitar Kovaçevski për të cilin Ballkani i Hapur vazhdon të jetë gjallë:
“Ballkani i Hapur dha rezultate konkrete për Maqedoninë, Shqipërinë dhe Serbinë. Kjo nismë edhe më tutje do të ofrojë risi,” tha Kryeministri i Maqedonisë së Veriut duke ngatërruar këtë proces me ato arritje që për ekskluzivitet kanë vetëm Shtetet e Bashkuara dhe asnjëri njeri të gjallë në këtë botë.
“Nga shteti i kapur, ne u bëmë anëtar i NATO-s, dhe u bëmë kandidat për anëtar i BE-së, duke ruajtur identitetin dhe gjuhën tonë!”
Pas një dreke me Kryeministrin e Maqedonisë Veriut, Kryeministri i Shqipërisë do vazhdoi turin e tij ballkanik drejt Kosovës ku pritet të zhvilloj takime me Presidenten Vjosa Osmani, dhe Kryetarin e Palramentit Glauk Konjufca.
