Shmanget katastrofa mbi Tunelin e Kalimashit, Ministri Peleshi vetëm FSK-në e harron! Gazetari: Në…
Ndonëse të gjitha mediat raportuan se me ndihmën e efektivëve të Forcës së Sigurisë së Kosovës u shmang katastrofa e zjarrit mbi Tunelin e Kalimashit në Rrugën e Kombit, Ministri i Mbrojtjes i Shqipërisë, Niko Peleshi prezent në vendin e ngjarjes pasi zjarri u vu nën kontroll të gjithë i përmendi dhe falënderoi përveç FSK-së. Në vërejtjen e një gazetari se në këtë operacion ishin prezent edhe efektivët e Forcës së Sigurisë së Kosovës, ministri i Edi Ramës u ankua se nuk e lë të flas edhe pse deri në atë moment të gjithë po heshtnin përveç atij që po recitonte urdhrin e Edi Ramës.
Një vatër shumë e rrezikshme zjarri masiv, mbi tunelin e Kalimashit, në Autostradën Shqipëri- Kosovë u mbyll në orët e para të ditës së sotme, duke shmamgur një katastrofë të mundshme, bllokimin e lëvizjes, jetën dhe banesat e fshatrave pranë tij, raporton DW. Era e fortë përhapi zjarret nga Mali i Rrunës, që prej disa ditësh është pushtuar nga zjarri, në terrenin mbi tunelin e Kalimashit duke rrezikuar sigurinë e lëvizjes në këtë autostradë dhe banesat në fshatrat përreth. Vatra e re e zjarrit mbi këtë tunel u vu nën kontroll me ndihmën e efektivave të Forcës së Sigurisë së Kosovës,(FSK) dhe strukturave zjarrfikës të Kosovës dhe Kukësit. Burime zyrtare bënë me dije se nga Kosova mbërritën 9 automjete zjarrfikëse dhe 34 zjarrfikës.
“Ministri i Mbrojtjes i Kosovës, Armend Mehaj e bëri të ditur angazhimin në median sociale, duke shkruar, se ndërkohë ‘një kontigjent i FSK është nisur drejt zonave të prekura nga zjarret për t’u angazhuar në operacione bashkë me forcat reaguese të Shqipërisë.’ Të martën (10.08) autoritetet shqiptare kanë njoftuar, se efektiva të Forcave të Armatosura bashkë me ato të FSK dhe strukturat zjarrfikëse të Kukësit do të vazhdojnë operacionet për të vënë nën kontroll vatrat e zjarreve masive. Mali i Rrunës, (1875 metra) vazhdon të mbetet i pushtuar nga zjarret dhe ka burime vatrash zjarri në zonat rreth tij,” thekson DW.
Por asgjë nga këto nuk tha ministri i Edi Ramës edhe pse vetë Kryeministri e kishte postuar transmetimin live të Niko Peleshit në rrjetin social FB, i cili harroi FSK-në meqë Presidenti i Serbisë, Aleksandar Vuçiç nuk i kishte dërguar forcat e tij. Pas vërejtjes së gazetarit se në operacion kishte kontribuar FSK, Peleshi u detyruar të flas edhe për këtë prezencë ushtarake në operacion:
Ndërkohë Kryetari i PD, Lulzim Basha, i ka shprehur mirënjohje Kosovës për ndihmën vëllazërore në betejën me zjarret që nuk kanë munguar përgjatë brezit kufitar:
“Mirënjohje Kosovës për ndihmën vëllazërore në betejën me zjarret! Bashkëpunimi me forcat ushtarake dhe civile të Shqipërisë, që prej ditësh po sakrifikojnë me vetëmohim e në kushtet më të rënda,është jetik për mbrojtjen e jetës dhe shëndetit të qytetarëve dhe të pasurive natyrore,” thekson Lulzim Basha në reagimin e tij përmes rrjetit socia Twitter.
Ndryshe, Kosova dhe FSK edhe me këtë rast nuk ishin prezent në Malin e Rrunës për shkak të Edi Ramës dhe Niko Peleshit por për vëllezërit e tyre të rrezikuar nga zjarri në Shqipëri sepse ata e dinë se sërish Rama pas disa muajve do të flas për ndihmën e parë serbe, siç foli për tërmetin shkatërrimtar të vitit 2019, kur në Thumanë më shpejtë arritën emergjencat nga Kosova se sa nga Tirana dhe Kryeministri Edi Rama mburrej me ndihmën e Vuçiçit!
