Shoferi i ministrit të Brendshëm/ Familja e të ndjerit ka një apel të fortë: Ju lutem…
Familja e të ndjerit, Shkëlzen Qordja, efektiv i Gardës së Republikës, me detyrë shofer i ministrit të Brendshëm, i cili u gjet sot i pajetë dhe sipas Prokurorisë mund të jetë vetëvrarë, ka reaguar me një deklaratë.
Përgjatë gjithë ditës së sotme, kanë qarkulluar një seri variantesh lidhur me ngjarjen e rëndë, çka duket se ka nxitur edhe reagimin e familjes së të ndjerit.
DEKLARATA
“Eshte e pabesueshme per ne qe ne kushtet e nje tragjedie familjare qe nuk i urohet as hasmit, te na duhet te perballojme edhe shqelmat e politikes mbi trupin pa jete te djalit dhe vellait tone qe e kemi ne mes te shtepise!
Kur s’ka fjale dhe ngushellim per ne sot, detyrohemi nga keto shqelma egersirash te gjejme fjale per te bere deklarata publike si familje!
Por fatkeqesisht nuk kemi asnje rruge tjeter pervecse t’i drejtohemi publikisht politikaneve qe te na lene te qajme njeriun tone.
Te mos shkelin mbi cdo ligj e zakon, duke bere ate qe as gjakesi i kanunit nuk e ka bere kurre per viktimen e tij.
U lutemi mos e rendoni djalin e vellain tone me fantazi dhe fabrikime per qellimet tuaja.
Per shpirtin e zi qe ju shtyn ne te tilla akte cnjerezore nuk eshte fajtor i shtrenjti yne dhe zija jone del e tepron per supet e familjes sone te thjeshte.
Prinderit dhe vellezerit e te ndjerit Shkelzen Qordja”, nënvizon familja e të ndjerit
