Shoku Xhemal, thuaj hyzmeqarit të Edi Ramës: Bardh Spahia, kryetar i ri i Bashkisë Shkodër!

Kryeministri dhe Kryetari i PS, Edi Rama arriti të rrëmbej fitoren me ndihmën e hyzmeqarit të tij, Lulzim Basha, në bashkitë Vorë, Rrogozhinë, Dibër, Lushnje dhe Durrës por jo dhe në Shkodër e cila sërish, baballarëve dhe bijëve të tyre kriminelë u thotë: STOP KOMUNIZMIT!

Kandidati i koalicionit “Shtëpia e lirisë” për Shkodrën, Bardh Spahia, me përfundimin e numërimit të votave tha se kjo ishte një fitore e të gjithë shkodranëve:

“Ditë historik dhe kthese për të gjithë demokracinë shqiptare, opozitarizmin shkodranë, vlerësimin që më dhanë të gjithë demokratët shkodranë dhe aleatet e Shtëpisës lirisë,” tha Kryetari i ri i Bashkisë Shkodër i cili nuk harroi të falenderoi stafin e tij, anëtarët e FRPD ndërsa kishte një mesazh të qartë për ata që e votuan si dhe për ata që nuk e votuan:

“Prej nesër do të jem Kryetari i Bashkisë së të gjithë qytetarëve të Shkodrës. Për ata që demokratë që nuk më votuan u them se dera e shumicës do të jetë gjithmonë e hapur.”

Ndryshe, Bardh Spahia u shpall Kryetar i ri i Bashkisë Shkodër me 20.125 vota ose 43.67% , e dyta u rendit Majlinda Angoni e PS me 18.205 vota ose 39.51% ndërsa kandidati i Lulzim Bashës, Xhemal Bushati u rendit i treti duke marrë 7.749 vota ose 16.82% të votave.

Edhe para shpalljes së rezultatit përfundimtar, shefi i Lulzim Bashës, Kryeministri Edi Rama e pranoi se e kishte humbur Shkodrën dhe kishte korrë fitore në bashkitë Vorë, Rrogozhinë, Dibër, Lushnje dhe Durrës ndërsa deklaroi: “Zgjedhjet e djeshme i dhanë Partisë Socialiste as më shumë e as më pak se sa prisnim. 5 nga 6 bashkitë në garë, me një fushatë pa i ndezur motorët e qendrës, dhe me një hendek votash nga rivalët edhe më të madh se sa tregonin projeksionet tona.”