Shpallen ushtritë më të fuqishme në botë. SHBA e para, ku renditet Shqipëria dhe Kosova
Ashtu si çdo vit edhe këtë vit Global Firepower ka publikuar raportin vjetor dhe renditjen e forcave të armatosura kombëtare në botë, nga ato më të fortat deri më të pafuqishmet.
Kështu, këtë vit janë përfshirë 145 shtete ku secila shoqërohet me indeksin e forcës në bazë të 60 faktorëve individual.
Në vend të parë vazhdojnë të qëndrojnë fuqishëm Shtetet e Bashkuara, pasuar nga Rusia, Kina ndonëse e ka indeksin e forcës të barabartë, India renditet e katërta, dhe Korea e Jugut e pesta. Top 10-shja plotësohet me Britaninë e Madhe, Francën, Japoninë, Turqinë dhe Italinë.
- SHBA – PwrIndx: 0.0744
- Rusia – PwrIndx: 0.0788
- Kina – PwrIndx: 0.0788
- India – PwrIndx: 0.1184
- Korea Jugut – PwrIndx: 0.1656
- Britania Madhe – PwrIndx: 0.1785
- Franca – PwrIndx: 0.1878 (shënohet rritje)
- Japonia – PwrIndx: 0.1839 (shënohet rënie)
- Turqia – PwrIndx: 0.1902
- Italia – PwrIndx: 0.2164
Në kotekstin e luftërave aktive në botë, duhet theksuar se ushtria ukrainase renditet në vendin e 20-të, ajo izraelite në vendin e 15-të derisa ushtria iraniane e 16-ta.
Serbia më e fuqishmja në Ballkan
Me çmendurinë e blerjes së armatimit që vazhdoi Presidenti i Serbisë, Aleksandar Vuçiç, Serbia nuk ka se si të renditej ndryshe përveç se e para në Ballkan dhe e 63-ta në botë armatimin që aktualisht ka mund ta shikoni KËTU.
Sipas Global Firepower, Shqipëria si anëtare e NATO-s renditet e 78-ta ndërsa Kosova përkundër investimeve të mëdha dhe rritjes së madhe të zërit në buxhetin e vitit 2025 renditet e 141-ta.
Kroacia ndonëse ishte arsyetimi kryesor i Vuçiçit kur blente armatim, ka shënuar rënie në këtë renditje dhe aktualisht është në vendin e 74-të, Slovenia 96-të, Maqedonia e Veriut 112-të, Mali i Zi 127-të dhe Bosnje Hercegovina u rendit në vendin e 132-të
Renditjen e plotë të Global Firepower nga Shtetet e Bashkuara që renditet e para me indexin e forcës PwrIndx: 0.0744 e deri te Bhutani që renditet e 145-ta me indexin e forcës PwrIndx: 6.3934, si dhe armatimin e tyre, mund ta shikoni KËTU.
