Shpallet tenderi për ndërtimin e Autostradës Shkup-Bllacë
Sot është shpallur tenderi për ndërtimin e Autostradës Shkup-Bllacë.
Për Zv/Kryeministrin e Maqedonisë së Veriut, Bujar Osmani, kjo është një ditë historike:
“Duke patur parasysh shkëmbimin tregtar që kemi me Kosovën, sot është një ditë historike për Maqedoninë Veriore pasi po shpallim tenderin për ndërtimin e autostradës Shkup-Bllacë,” tha Osmani duke mos bërë publike afatin e ndërtimit të kësaj Autostrade e cila filloi me ndërtimin e 2 kilometrave të parë.
Ndryshe, Autostrada Shkup-Bllacë përveç rëndësisë për qarkullimin e mallërave dhe njerëzve nga Maqedonia e Veriut, është i një rëndësie të veçantë edhe për bizneset e Shqipërisë dhe Kosovës pasi merr fund edhe nyja shumë e rëndësishme shqiptare dhe ballkanike, Austrada Tiranë-Prishtinë-Shkup.
