Shpalli të pafajshëm Shpëtim Gjikën/ KPK shkarkon gjyqtaren e Apelit të Vlorës

Komisioni i Pavarur i Kualifikimit, KPK, shkarkoi nga detyra kryetaren e Gjykatës së Apelit të Vlorës, Alma Liçaj.

Vendimi u dha sot nga KPK ku gjyqtarja ishte e pranishme në seancë pa avokat.

Hetimi ndaj saj është kryer vetëm për kriterin e pasurisë.

Alma Liçaj e ka nisur karrierën në sistemin e drejtësisë në vitin 2000.

Përreth një dekade, Liçaj ka punuar si gjyqtare në Gjykatën e Shkallës së Parë të Vlorës, ndërsa në vitin 2009 u komandua si kryetare e Gjykatës së Apelit të Vlorës, detyrë në të cilën u emërua më pas.

Vendimi për gjyqtaren Alma Liçaj vjen tre ditë pasi Gjykata e Apelit e Vlorës shpalli të pafajshëm ish kryetarin e bashkisë së Vlorës, Shpëtim Gjika.