Shpejtësia maksimale në autostrada, ja si është në botë dhe ku nuk ka kufizim
Ashtu siç është paraqitur në hartë, autostradat gjermane janë ndër rrugët e rralla në botë ku nuk ka kufizim të shpejtësisë në drejtimin e mjetit. Por, janë edhe dy shtete në botë ku drejtuesit e mjeteve mund ta shijojnë shpejtësinë sa t’iu do qejfi. Autostrada Stuart, në veri të Australisë, ka një aks prej 200 kilometrave në mes të Alice Springs dhe Barrow Creek, ku shpejtësia e drejtimit të mjetit nuk është e kufizuar. Ishulli Man gjithashtu nuk ka kufizim të shpejtësisë, por për dallim nga Gjermania dhe Australia nuk ka as autostrada, bënë të ditur brilliantmaps.com.
Shtetet dhe territoret tjera kanë shpejtësi të ndryshme maksimale të lëvizjes me automjet dhe ndryshojnë shumë. Kujdes po flasim për shpejtësinë maksimale të lejuar në çdo shtet dhe jo për shpejtësinë mesatare.
Përkundër dashurisë së madhe për makinën që kanë amerikanët, është e çuditshme se në të gjitha shtetet federale shpejtësia është e kufizuar.
Deri në vitin 1999 Montana nuk kishte shpejtësinë e kufizuar të lëvizjes me mjet, por vetëm fjalët “me qetësi dhe kujdes”. Gjykata Supreme e Montanës e ka konsideruar si shumë të paqartë këtë mesazh dhe ka vendosur shpejtësinë maksimale prej 120 km/h (75 mph).
Texas, shpejtësia më e madhe në Amerikë
Sot, aksi rrugor prej 65 kilometrave Texas State Highwaya 130 është rruga me shpejtësinë më të madhe maksimale të lejuar në SHBA prej 140 km/h(85 mph).
Interesante është se të gjitha shtetet federale kanë shpejtësinë maksimale më shumë se 90 km/h (55 mph), që ishte kufizimi federal prej vitit 1973 deri në vitin 1987. Më pas shpejtësia është rritur 105 km/h (65 mph) deri në vitin 1995 kur dhe është anuluar.
Hawai sot është shteti i vetëm federal me kufizimin e shpejtësisë nën 105 km/h. Alaska, Connecticut, Delaware, Maryland, Massachusetts, New Jersey, New York, Rhode Island, Vermont dhe Wisconsin kanë shpejtësinë e lejuar maksimale 105 km/h, deri sa shtetet tjera kanë shpejtësinë e lejuar më të lartë, të paktën në disa rrugë.
