Shpërblehet Agron Gjekmarkaj, debat në Kryesinë e Grupit PD

Zvarritjet e deputetit Agron Gjekmarkaj poshtë takave të Kryetarit të Partisë Demokratike, Lulzim Basha, përkundër akuzave të shumëta sot morën përgjigjen nga vetë Basha. Kryetari i PD, Lulzim Basha, caktoi Gjekmarkajn si drejtuesin e ri politik të Lezhës duke i dhënë kështu fund parashikimeve mediatike dhe përfoljeve nga bashkëpunëtorët e Bashës, se cila ishte arsyeja e sjelljes prej skllavi të deputetit që prezantohet si pedagog, pas ikjes së Mark Markut.

Vendimin, Lulzim Basha e bëri të ditur në mbledhjen e Kryesisë së Grupit Parlamentar të PD, ku u zhvillua dhe një debat rreth përjashtimit të liderit historik Sali Berisha.

Deputeti Flamur Noka e ka quajtur një thikë pas shpine vendimin e Lulzim Bashës ndërkohë Kryetari i PD ishte i prerë se nuk do të lejoj të ketë grupime antiamerikane në parti.

“Vendimi ndaj Berishës ishte një thikë pas shpine për demokratët. Ai duhej lënë forumeve të PD-së ta merrnin. Vetëm vendimi i anëtarësisë mban PD të Bashkuar. Ke shkelur statutin, vendimin duhet ta marrë Kuvendi Kombëtar. Pa i dhënë drejtim çështjes së Berishës nuk mund të diskutohet asgjë për aksionin opozitar,” tha Flamur Noka ndërsa ka marrë dhe përgjigjen e Lulzim Bashës:

“Nuk desha që këtë vendim t’ua lija forumeve të PD-së për të mbajtur të bashkuar partinë. Në PD, nuk do të lejoj dhe nuk do të ketë grupime kundër amerikane. Ky është vendimi në interes të demokrateve. Vendimi për Sali Berishën nuk ka me kthim pas. Pastaj ka një keqlexim që bëhet ose interpretohet në media. Doktori nuk është përjashtuar përfundimisht, nuk është linçuar. Ndaj tij janë thënë fjalet më të mira. Por siç ka deklaruar edhe vete ai, do të ndjek procesin gjyqësor. Dhe derisa e vërteta të dalë në shesh, do të qëndroj jashtë grupit,” tha Lulzim Basha duke shtuar se ai nuk është përjashtuar as nga strukturat që të ishte nevoja për mbledhjen organeve të PD duke përfunduar:

“Kërkesa për doktorin nuk ka ardhur nga zyrtarë të nivelit të tretë apo të rangut te ulët. Ka ardhur nga kupola e shtetit amerikan!”

Pjesë nga debati: 

Lulzim Basha:  Vendimi për Sali Berishën nuk ka më kthim pas. Pastaj ka një keqlexim që bëhet ose interpretohet në media. Doktori nuk është përjashtuar përfundimisht, nuk është lincuar. Ndaj tij janë thënë fjalet më të mira. Por siç ka deklaruar edhe vetë ai do të ndjek procesin gjyqësor. Dhe derisa e vërteta të dal në shesh do të qendrojë jashtë grupit. Ai nuk është përjashtuar as nga strukturat që të ishtenevoja për mbledhjen organeve të PD.

Flamur Noka: Pa i dhënë drejtim çështjes së Berishës nuk mund të diskutohet asgjë për aksionin opozitar

Lulzim Basha: Kërkesa për doktorin nuk ka ardhur nga zyrtarë të nivelit të tretë apo të rangut të ulët. Ka ardhur nga kupola e shtetit amerikan. Informacionet i di unë sic  i di shumë mirë edhe doktori dhe që ju s’keni për t’i marrë vesh kurrë.

Flamur Noka: Po e keni marrë vendimin pa asnjë organ vendimarrës. Duhet të ishte thirrë Kuvendi.

Lulzim Basha: Vendimi nuk ka më kthim pas. Nuk mblidhet asnjë kryesi apo kuvend se s’mund të ketë Kuvend antiamerikan