Shpërblehet Plarent Ndrecaj, merr post në Ministrinë e Brendshme…
Lëvizjet e fundit të Kryeministrit Edi Rama qartësuan shumë gjëra partiake dhe në veçanti përfaqësimin absurd të Partisë Socialiste nga Plarent Ndrecaj në emisionet kryesore telelvizive edhe për çështje shumë të rëndësishme për të cilat PS është përfaqësuar ndryshe në procesin e reformave.
Kur Sekretari i Përgjithshëm i Ministrisë së Arsimit ishte degdisur tek Mjedisi u kuptua si fundi i një juristi të përdorur nga partia, por shfaqja e e tij tek Fevziu paralajmëronte një katapultim të frikshëm, aq më shumë kur në çdo rast Kushtetutën e lexonte si arabët, mbrapsht; Edhe kur ishte nevoja!
E lexoi, Fevzo e duroi por qysh sot Plarent Ndrecaj është emëruar Sekretar i Përgjithshëm i Ministrisë së Brendshme një ditë pasi Edi Rama e shpalli veten Koordinator i PS për Veriun.
Ndërkohë Ndrecaj u zëvendësua nga Dritan Palnikaj, i cili kaloi Këshilltar i Kryeministrit. Edhe Dritan Palnikaj nuk është rastësi! Ai është emëruar Sekretar i Përgjithshëm i Ministrisë së Brendshme më datë 29 mars 2018, dhe në këtë post ishte katapultuar pasi kishte kryer me devtshmëri detyrat e Këshilltarit të Kryeministrit dhe Ministrit të Brendshëm.
