Shpërdorim detyre, GJKKO: Ish-Kryetari Bashkisë Fushë Arrëz, Fran Tuci, dënohet 1.5 vjet burg

Gjykata e Posaçme për Korrupsion dhe Krimin e Organizuar, GJKKO, ka dënuar me 1 vit e 6 muaj burg Ish-Kryetarin e Bashkisë Fushë Arrëz, Fran Tuci, si dhe heqjen e të drejtës për të ushtruar funksione publike për 5 vite.

Fran Tuci i cili akuzohet për shpërdorim detyre, për shkak të gjykimit të shkurtuar, i reduktohet dënimi në 1 vit burg.

Ndryshe, Ish-Kryetari i Bashkisë Fushë Arrëz, Fran Tuci, Tuci dhe Ish-Administratori i Njësisë Administrative Iballë, Ndoc Marku, akuzohen për ‘shpërdorim detyre’ dhe ‘shkatërrim prone’, pasi dhanë leje për një rrugë në një fshat të thellë të kësaj Njësie. Vlerësimet e Inspektoratit të Mbrojtjes së Territorit flasin për një dëm prej më shumë se 2 milionë euro, të shkaktuar nga dëmtimi i terrenit dhe shpyllëzimi i sipërfaqes nga e cila është përfituar rruga e hapur privatisht.