“Shpërdorim detyre”, Pjerin Ndreu në SPAK: Jam person në hetim po nuk jam i akuzuar!
Kryetari i Bashkisë Lezhë, Pjerin Ndreu, është nën hetim nga Prokuroria e Posaçme për shpërdorim detyre. Këtë e bëri të ditur vetë kryebashkiaku socialist pasi u mor në pyetje për rreth 1 orë sot në Prokurorinë e Posaçme, duke saktësuar se ishte paditur nga Partia Demokratike për proceduarat në lidhje me ndërtimin e një trotuari.
“Ka një problem procedure ku PD e Lezhës nuk është dakord që të bëjmë trotuare dhe t’u shpëtojë jetën qytetarëve. Jemi në proces dhashë shpjegimet e mia. Shpërdorim detyrë në cilësinë e personit në hetim. Është kallëzim politik, nuk ka të bëjë më korrupsionin dhe as shkelje të barazisë në tendera,” tha Pjerin Ndreu i cili ndjek modelin e shefit të tij Edi Rama që e nisi me sopatë në dorë dhe e vazhdoi me tritol për të arritur qëllimin në ndërtimin e projekteve të tij, dhe nuk u përgjigj para drejtësisë pse shkeli ligjin.
“Kemi zgjidhur një problem madhor, por si ka shkuar përshtat PD-së së Lezhës. Jam person në hetim po nuk jam i akuzuar. Pse e paragjykon lënien e mandatit?! Nuk ka lidhje me lënien e mandati. Ajo që kam bërë unë është shërbim ndaj komunitetit. Shpërdorimi i detyrës kërkon zgjerimin e fitimeve për vete një dem shteti apo tjerëve, gjë që nuk ekziston. Sa herë do të më thërrasë jam këtu. Do të më kenë sa herë të duan do vij më dëshirë. Jam mbështetës publikisht i kësaj prokurorie. Nuk qahem pse më thirrem, pse më bënë,” tha duke bërë politik kreu i një bashkie anëtar i partisë në pushtet, duke bërë politikë para SPAK-ut të cilin Kryeministri i Himarës, Shkodrës dhe gjithë Shqipërisë, Edi Rama, tha se e themeloi, ndërsa përfundoi:
“Kam ardhur se më ka thirrur SPAK. Unë për vete nuk e shoh të arsyeshme që mund të ngrihen akuza. Nëse do të ngrenë akuzë do të përballem.”
Ndryshe, kallëzimi ndaj Kryetarit të Bashkisë Lezhë, Pjerin Ndreu, është bërë nga Partia Demokratike në vitin 2023 për mënyrën se si u ndjek procedura për ndërtimin e rrugës Lezhë-Shëngjin përgjatë lagjes Xhenjo. Meqë ky aks rrugor është në varësi të Autoritetit Rrugor Shqiptar, Bashkia Lezhë nuk kishte të drejtë që të kryente punime, pasi nuk është në varësi të saj, ndaj edhe kanë nisur hetimet.
