Shpërfytyrohet Meta/ Harron Edi Ramën e Tadiçit dhe i përgjigjet: Ai që kërcënoi Zaganin bëri gabimin fatal…
Një Gent Cakaj nuk mund të jetë pika që derdhi gotën e komunistëve Ilir Meta dhe Edi Rama, por përplasja e tashmë dy krerëve të shtetit edhe me libër shpie, nuk është përplasje e Janarit të vitit 2011, kur njëri ishte me Saliun në pushtet duke pritur Presidentin e Serbisë që ta pajtoj me kryetarin e Partisë Socialiste, dhe tjetri me “kokëpalarët” e veriut që bënte grahmat e fundit që si opozitarë ta rrëzoi Partinë Demokratike.
Duke i kthyer përgjigje reagimit të kryeministrit për mosdekretimin e Cakajt, sot President Ilir Meta, me të njejtin fjalor nga viti 2011, i kujton Edi Ramës se kishte kërcënuar Komisar Zaganin dhe Nënkomisar Nuhun, gazetarë dhe pronarë mediash, prokurorë dhe gjyqtarë por bëri beri gabimin fatal që kërcënojë edhe Presidentin.
“Nuk ka fuqi në botë t’i bëjë presion e shantazh Presidentit të Republikës së Shqipërisë,” thotë Presidenti Ilir Meta.
Deri në pajtimin e radhës nga Presidenti i Serbisë, i dy komunistëve shqiptarë, Ilir Meta dhe Edi Rama, do Zoti dhe shqiptarët janë me fat që të mos kalojnë nëpër trazira vetëm pse ka ardhur momenti, që për shkak të prishjeve të pazareve, këta të dy të ndahen në dy anë të barrikadës, në luftën për pushtet.
Ja postimi i plotë:
Ai që guxoi të kërcënojë komisar Zaganin pse denoncoi bashkëpunimin e trafikantëve të drogës me pushtetarët, ai që guxoi të kërcënojë nënkomisarin e Fushë-Krujës pse hetoi dhunimin e një vajze nga djali i një deputeti, ai që guxoi të kërcënojë një profesor të nderuar vetëm pse i shkruajti një letër Presidentit të Republikës në mbrojtje të interesit kombëtar, ai që kërcënon çdo ditë gazetarë e pronarë mediash, ai që kërcënon prokurorë e gjyqtarë, ai që kërcënon opozitarë dhe dëshmitarë, ai që urdhëron falsifikimin e letrave të tenderave e deri tek dokumente të sigurisë kombëtare bëri gabimin fatal të kërcënojë edhe Presidentin e Republikës së Shqipërisë në mënyrë të drejtpërdrejtë. Nuk ka fuqi në botë t’i bëjë presion e shantazh Presidentit të Republikës së Shqipërisë. Nuk ka Gjykatë Kushtetuese në botë që ndalon e interpreton kompetencat që i jep Kushtetuta e Republikës së Shqipërisë, Presidentit, për emërimin e shkarkimin e ministrave e në veçanti të atyre që janë anëtarë të Këshillit të Sigurisë Kombëtare. Interesi kombëtar i pari! Shqipëria e Para
