Shpërthen transformatori, 1 i vdekur dhe 2 të plagosur. Policia dhe OSHEE: Ja çfarë ndodhi…

Një transformator i tensionit të lartë ka shpërthyer sot në në një objekt në ndërtim në rrugën dytësore në autostradën Tiranë-Durrës, duke lënë të vdekur një punëtor dhe duke plagosur dy të tjerë.

Mësohet se viktima është Gjergji Sula ndërsa dy punëtorët tjerë, Sari Çollaku dhe Fari Çollaku ranë në kontakt me rrymën elektrike në transformator, njëri prej të cilëve është në gjendje të rëndë në Qendrën Spitalore Universitare Nënë Tereza, në repartin e djegieve.

Policia thotë se transformatori shpërtheu si pasojë e një shkëndije elektrike, ndërsa në një reagim më të detajuar për ngjarjen, Operatori i Shpërndarjes së Energjisë Elektrike, sqaroi se: Një kompani private, ishte duke kryer punime në autostradë, kur punëtorë të kësaj firme kanë tentuar të shkëpusin rrymën elektrike ne linjën 110 kV të OST, çka ka shkaktuar masë.

Informacioni nga policia 

Rreth orës 12.00, në autostradën Tiranë – Durrës në afërsi të një objekti në rekonstruksion si pasojë e një shkëndie elektrike ka shpërthyer një transformator elektrik.

Si pasojë e shpërthimit kanë mbetur të dëmtuar 3 punonjës e këtij objekti shtetasit GJ. S, S. Ç dhe F. Ç të cilët u dërguan në spital për ndihmë mjeksore.

Grupi hetimor ndodhet në vendngjarje dhe po vijon punën për sqarimin e metejshëm të rrethanave të ngjarjes.

Informacioni nga OSHEE

Për shkak të punimeve të nje kompanie, në autostradë, ku dy punëtorë të kësaj firme kanë shkurtuar distancën me linjën 110 kV të OST, cka ka shkaktuar masë, ka mbetur për disa minuta i stakuar NST Kashar.
Ky defekt la pa energji bizneset përgjatë autostradës, zona e Kamzës, Vora dhe Mëzez.
Grupi i punës së avarisë së OSHEE mori masa për furnizimin menjëherë të nstacionit me linjën rezervë dhe aktualisht kanë marrë energji të gjithë zonat e lartpërmendura.
Aktualisht kemi stakuar për masë vetëm fiderin që furnizon me energji zonën pranë Coca Colës.