Shpërthen zjarri në një pallat në Spanjë, 3 të vdekur

Zjarrfikësit në Spanjë raportojnë se tre persona kanë vdekur dhe shumë të tjerë janë plagosur, pasi një zjarr shpërtheu në një godinë banimi në afërsi të qytetit të Barcelonës.

Zjarrfikësit thonë se zjarri ka nisur në orët e para të ditës së shtunë. Një foshnje është në gjendje kritike dhe dy persona të moshës madhore janë në gjendje serioze, nga plagët e marra nga zjarri. Ndërkaq, 13 persona të tjerë po ashtu kanë kërkuar ndihmë mjekësore, raporton AP.

Zjarri përfshiu një pallat 10-katësh në Badalona, një qytet në veri të Barcelonës.

Autoritetet në Spanjë thekusan se zjarri është vënë nën kontroll. Ende nuk është bërë i ditur shkaku i zjarrit në këtë godinë banimi