Shpërthim i fuqishë në Aeroportin e Kabulit, Pentagoni konfirmon…

Pas paralajmërimit për akte të mundshme terroriste, në Aeroportin e Kabulit “Hamid Karzai” ka ndodhur një shpërthim i fuqishëm, ka konfirmuar Pentagoni. 

Një zyrtar amerikan tha për CNN se në mesin e afganëve ka të plagosur, por ende nuk ka informacione për shtetasit amerikan.

Zëdhënësi i Pentagonit, John Kirby, konfirmoi se ka ardhur deri te një shpërthim i fuqishëmnë hyrje të Aerportit të Kabulit. “Mund të konfirmojmë shpërthimin jashtë Aeroportit të Kabulit. Për momentin nuk dihet nëse ka viktima. Do të japim detaje sapo të kemi mundësi,” tha Kirby përmes rrjetit social Twitter.

Ndërsa Al Jazeera duke ju referuar një zyrtari taliban raporton se janë të paktën 13 të vrarë.

Zëdhënësini talibanëve, Zabiullah Mujahid, tha se i kemi paralajmëruar amerikanët për sulme terroriste ndërsa ka fajësuar ISIS për dy shpërthime në afërsi të Aeroportit të Kabulit.

Ndërkohë rreth një orë më parë dikush ka gjuajtur në drejtim të një avioni ushtarak italian sapo është ngritur nga Aeroporti i Kabulit. Ende nuk dihet se kush gjuajti dhe pse.

Nuk është raportuar asnjë dëm, thekson Agjencia e lajmeve Reuters duke cituar burime ushtarake.

Një gazetar italian që është në avion me rreth 100 civil afganë tha për Sky News se dikush ka gjuatur në drejtim të avionit vetëm disa minuta pasi është ngritur. 

Ky është rasti i parë që dikush gjuan në drejtim të avionit që nga dita e parë e evakuuimit nga Aeroporti i Kabulit..

Ndryshe, paralajmërimet për sulme terroriste në Aeroportin e Kabulit u bënë publike në orët e para të mëngjesit të sotëm, ku ministri i Brendshëm i Britanisë së Madhe, James Heappey, tha se ka raporte të besueshme për një kërcënim të rëndë në kryeqytetin afgan. Për këtë arsye, ata kanë kërkuar nga qytetarët e tyre që të mos i afrohen Aeroportit, për shkaqe sigurie.

Australia gjithashtu leshoi një alarm, duke u thënë atyre që janë jashtë aeroportit të largohen menjëherë.