Shpërthim i fuqishëm në Ferizaj, 31 të plagosur

31 të plagosur, 2 prej të cilëve në gjendje të rëndë, është epilogu tragjik pas shpërthimit të një bombole gazi në një restorant në Ferizaj

Drejtori Rajonal në Policinë e Ferizajt, Emin Beqiri, ka konfirmuar se numri i të plagosurëve ka shkuar në 31, 7 prej të cilëve janë nisur për shërim në QKUK në Prishtinë.

“Viktimat kanë pësuar lëndime të ndryshme trupore dhe në mesin e tyre janë edhe dy fëmijë. Po ashtu si pasojë e gjendjes së rënduar, 7 persona janë nisur për shërim në QKUK në Prishtinë. Shpresojmë që të mos kemi raste me pasoja fatale,” tha Emin Beqiri.

Ndërkohë Kryeprokurori i Prokurorisë Themelore të Ferizajt, Shukri Jashari, raporton RTK, ka konfirmuar se 2 prej 7 të plagosurëve që janë dërguar për shërim në QKUK në Prishtinë, janë në gjendje të rëndë.