Shpërthim me tritol në shtëpinë e Armand Dukës
Shpërthim me tritol në shtëpinë e kreut të Federatës Shqiptare të Futbollit, FSHF, Armand Duka në Durrës.
Policia është në vendin e ngjarjes dhe sipas të dhënave të para lënda eksplozive është vendosur mbrëmjen e sotme në derën e shtëpisë nga persona të panjohur.
Mësohet se gjatë momentit të shpërthimit në banesë ishte vetëm bashkëshortja e Armand Dukës.
Ndryshe, vendosja e tritolit në shtëpinë e Armand Dukës vjen pas nisjes së hetimeve të Prokurorisë për kreun e Federatës Shqiptare të Futbollit, për “Shpërdorim të detyrës” dhe “Vjedhje duke shpërdoruar detyrën” dhe përplasjeve në mes të kryetarit të Bashkisë Tiranë, Erion Veliaj dhe kreut të FSHF, Armand Duka.
