Shpërthim në Metalurgjik, policia jep detajet: 3 punonjës të “Alba Gaz” u plagosën

Shpërthim në zonën e Ish-Kombinatit Metalurgjik në Elbasan. Fillimisht u tha se shpërthimi ka ndodhur në repartin e oksigjenit ku kanë mbetur 3 punonjës të plagosur por më pas policia ka sqaruar se shpërthimi ka ndodhur në një subjekt privat që operante në Metalurgjik.

Policia e Elbasanit duke sqaruar ngjarjen në Metalurgjik tha se 3 punonjës të “Alba Gaz” që operonte brenda Metalurgjikut janë plagosur dhe ndodhen në spital.

Njoftimi i Policisë

Në një subjekti privat “Alba Gaz”, në zonën e ish-metalurgjikut, si pasojë e rrjedhjes së gazit janë dëmtuar 3 punëtorë shtetasit Q.M., 61 vjeç, O.B., 69 vjeç, dhe E.B., 42 vjeç, të cilët janë transportuar në Spitalin Rajonal Elbasan për ndihmën mjekësore dhe ndodhen nën kujdesin e mjekëve.

Menjëherë shërbimet e Policisë dhe të zjarrëfikses kanë shkuar në vendngjarje të cilët kanë bërë të mundur mbyllejn e gazit dhe shmangien e donjë shpërthimit të mundëshem.

Grupi hetimor ndodhet në vendngjarje dhe po punon për zbardhjen dhe sqarimin e rrethanave të ngjarjes.