Shpëtohen 7 turistë polakë, ishin në rrezik jete në malësinë e Tropojës…

Të paktën 7 turistë polakë në rrezik për jetën në Maskollatë të Tropojës, janë shpëtuar nga punonjësit e e një kompanie private.

Turistët duke dashur të ndjekin shenjat e shtigjeve për hiking (ngjitje në mal) kanë përfunduar jashtë shtegut të sigurt të paracaktuar duke përfunduar në majën e një skarpate të rrezikshme prej 150 m larësi, në rrezik për jetën.

Duke u gjetur në gjendje paniku turistët kanë kërkuar ndihmë dhe asistencë.

Gjatë operacionit të shpëtimit, turistet u zbritën me anë të një teleferiku të posaçëm të kompanisë dhe u dërguan në vend të sigurt, jashtë rrezikut për jetën.