Shpëton Edi Rama, Saimir Tahiri fajtor por nuk dënohet

Ish-Ministri i Brendshëm, Saimir Tahiri e bēri të qartë se nëse shpallet fajtor mbas tij do të shkojnë edhe të tjerët, pjesë e enturazhit që e degdisi këtë vend me drogë. Kështu, pas mesazhit që mori Edi Rama dhe Gjykata e Krimeve të Rënda, Saimir Tahiri u shpall fajtor vetëm pēr shpërdorim detyre, me 5 vjet burg që me gjykim të shkurtuar Tahirit i dhurohet një shërbim prove me 3.4 vjet burg, që në gjuhën shqipe do të thotë i lirë.

Por e njejta gjë nuk vlenë për Jaeld Çelën. I shpallur fajtor si Saimir Tahiri për “shpërdorimit të detyrës”, është edhe Ish-Drejtori i policisë së Vlorës, Jaeld Çela, por meqë nuk kishte me çfarë të shantazhoj Edi Ramën ai nuk i ka shpëtuar burgut. Gjykata e Krimeve të Rënda vendosi dënimin e tij me 3.4 vite burg ndonëse ai ndodhet ende në arrati.

Për verdiktin, trupi gjykues ishte tërhequr për vendim në orën 13:00, për tu shprehur në orën 21:50, vendim të cilin e arsyeton dhe fakti që kemi të bëjmē me 3 gjyqtarët që nuk i janë nēnshtruar ende Vettingut.

Kështu Saimir Tahiri përfitoi të drejtën të vazhdoj sërish të lëviz me makina dhe jahte trafikantësh ndërkombëtar të drogës, Kryeministri Edi Rama të jetë i lirë për momentin nga shantazhet e Saimir Tahirit ndërsa Flora Hajredinaj, Irena Gjoka dhe Ardit Mustafaj të çlirohen nga makthi “vetting”.