“Shpif ndaj Bashës”, PD padit në gjykatë Erion Veliajn

Partia Demkratike paditi në gjykatë për shpifje Kryetarin e Bashkisë së Tiranës, Erion Veliaj, duke kërkuar dënimin e tij për shpifjet e përsëritura kundër Kryetarit të PD, Lulzim Basha.

Erion Veliaj, si drejtues i fushatës së PS për Tiranën, thekson PD në padinë e saj, ka bërë 3 akuza konkrete, duke shpifur për kundërshtarin politik, me qëllim që t’i dëmtojë imazhin Lulzim Bashës.

Padia i cilëson shpifje 3 akuzat e Erion Veliajt:

• Kryetari i PD u bë me 4 shtëpi gjatë tërmetit dhe pandemisë
• Kryetari i PD ka përfituar gjatë periudhës së fatkeqësisë
• Kryetari i PD ka ndërtuar kate pa leje.

“Këto të pavërteta janë bërë me qëllim dëmtimin e reputacionit dhe dëmtimin e imazhit në mënyrë të qëllimshme, duke qenë se Lulzim Basha është Kryetar i PD në opozotë dhe Erion Veliaj, si drejtues i fushatës zgjedhore të PS për qarkun e Tiranës, këto deklarime shpifëse i përdor për të përfituar kredo politike përballë qytetarëve, si për vete dhe për PS,” thuhet në padinë e ngritur për shpifje ndaj Erion Veliajt.