Shpifësit Ulsi Manja, Spaho i çon përgjigjen e Autoritetit të Dosjeve: Kërko ndjesë publike ose…

Pasi ministri i Drejtësisë, Ulsi Manja, e akuzoi deputetin e PD, Edmond Spaho, si ish-bashkëpunëtor të Sigurimi të Shtetit, sot në seancë plenare Spaho i çoi në parlament, përgjigjen e Autoritetit të Dosjeve duke i kërkuar që të vijë këtu dhe të kërkojë ndjesë publike ndryshe do reagoj sipas sjelljes së Manjës.

Edmond Spaho sqaroi nga foltorja e parlamentit se ishte verifikuar disa herë por hoqi dorë nga ato verifikime dhe kërkoi verifikim të thellë nga Autoriteti i Dosjeve, ku ai nuk rezultoi bashkëpunëtor dhe as i implikuar në aktivitet spiunazhi gjatë kohës së diktaturës.

“I kërkova të kërkojë ndjesë, por nuk e bëri. Unë jam verifikuar disa herë, por hoqa dorë nga ato verifikime dhe kërkova verifikim të thellë nga autoriteti ekzistues, pa u miratuar ligji jua. Kini pak respekt për dinjitetin e njeriut. Tjetër është politika, tjetër dinjiteti. Duroni sot mos më ndërprisni.

U verifikova, kam marrë përgjigjen nga Autoriteti, të firmosur nga gjithë anëtarët dhe këtë po ia jap Ulsi Manjës. I kërkoj një gjë, pavarësisht se tha do lë mandatin, e di që nuk e lë mandatin, të vijë këtu dhe të kërkojë ndjesë publike,” tha deputeti i PD, Edmond Spaho, ndërsa njeriut që shpifja i është bërë aftësi profesionale dhe Edi Rama e dekoroi me postin e ministrit të Drejtësisë, i sqaroi rrugën që do të ndjekë nëse nuk kërkon ndjesë:

“Nëse nuk më kërkon ndjesë publike dhe unë do reagoj sipas sjelljes së Ulsi Manjës. Spiunët shkoni kërkojini te të tjerë njerëz.”