Shpifje, o shantazh i bekuar, prite, prite…
nga Agim Popoci
Erdhi në pushtet me shpifjet e mediave, e mbajti pushtetin me këto media nën sqetull që shpifnin me bekimin e tij ndryshe do ti përgënjeshtronte, dhe, sot, si Kryeministër, Edi Rama, shantazhon me Ligj të gjitha mediat që i kanë dalë nga kontrolli edhe pse janë krijuar me ndihmën e tij sepse, sipas tij, shpifin!
Sot, pas miratimit të Paketës Antishpifje rezulton se asgjë nuk ishte e rastësishme! Për të dëshmuar para opinionit publik se sa jetike është kjo paketë ligjore, ai e kishte gati një lakmus ligjor; Vuri gishtin në plagën komuniste, Ish Presidentin Sali Berisha, për të treguar se si do të përfundojnë ata që do të shpifin! Gjykata e Tiranës pa vërtetuar impaktin që ka një status në Facebook, që dëshmohet edhe me statistikat mbi përdorimin e votuesve shqiptarë të këtij rrjeti social, vendosi të dënoj Sali Berishë me 500 mijë lekë gjobë sepse sipas kësaj Gjykate idiote dhe të nënshtruar, mendimi i Ish-Presidentit Berisha i shprehur si status në rrjetin social Facebook se “Edi Rama ka penguar hapjen e negociatave duke përkrahur trafikantët e drogës” qenka, shpifje! Përveç gjobës, Gjykata duke harruar mendimin e lirë në një shtet i cili zyrtarisht ende nuk është nën diktaturë, ka vendosur që Sali Berisha duhet të fshijë nga rrjetet sociale edhe postimin e tij që u cilësua, shpifje.
Duhet pranuar se ky vendim i Gjykatës së Tiranës pati efekt të jashtëzakonshëm, në veçanti tek ata që e njohin dhe i kanë shërbyer në media Edi Ramës, dhe sot nuk janë pak në numër. Dhe, Kryeministri Edi Rama mund ta ketë gdhirë sot të shtunën i kënaqur, por jo gjithçka është Sali, aq më shumë Berishë!
Si dhe pse lindi Paketa Antishpifje?!
Sikur kjo Paketë Antishpifje të ishte miratuar ditët e para të ardhjes në pushtet, çështjet e para që do të trajtoheshin ishin ato që dëmtuan më së shumti imazhin e pushtetit të Sali Berishës dhe mundësuan ardhjen e Edi Ramës në pushtet: Griselda Roshi dhe Ilir Meta i 21 Janarit!
“Çështja Griselda” si shpifje e prodhuar nga Partia Socialiste në krye të së cilës ishte dhe është Edi Rama, bëri aq bujë sa u diskutua edhe në Parlamentin Evropian. Me ndihmën e mikes së tyre socialiste, Tanja Fajon, eurodeputetët arritën të informohen se në Ballkan na qenka një shtet kriminal që quhet Shqipëri, ku bëhet dhe rrëmbimi i një gruaje shtatzënë të kryebashkiakut socialist duke i hequr foshnjën dhe duke e lënë të mbuluar me gjak! Shumë shpejtë u zbulua se kjo grua, Griselda Roshi pra, kishte mashtruar ndërsa informacioni ishte dhënë nga Partia Socialiste ose ustallarët e propagandës kriminale me në krye Erion Veliajn:
“Një lajm i trishtuar na ka shokuar të gjithëve ne në PS. Natën e kaluar, gruaja shtatzënë e kryetarit të sapozgjedhur të Bashkisë së Kavajës, Elvis Roshi, u rrëmbye në një qendër tregtare në Tiranë. Pasi është keqtrajtuar barbarisht nga rrëmbyesit, ajo është dërguar në një vend të panjohur, ku i kanë hequr fëmijën. Në orën 4 të mëngjesit, e mbuluar nga gjaku, znj. Roshi është lënë afër shtëpisë së saj në Kavajë (50 kilometra larg kryeqytetit).”
Mediat në shërbim të Edi Ramës që transmetuan këtë lajm kriminal nuk e përgënjeshtruan lajmin edhe pse zyrtarisht Griselda Roshi e pranoi para organeve hetuese ndërsa shpifja e transmetuar nga ata zuri vend, sa edhe sot gazetarë të ndryshëm nga shtetet anëtare të BE pyesin se çfarë u bë me atë gruan shtatzënë që i prenë barkun! Dhe jo vetëm kaq!
Si Kryetar i Partisë Socialiste, Edi Rama organizoi kryengritje për rrëzimin e pushtetit të Sali Berishës pasi u transmetua nga mediat në shërbim të tij se si Zëvendësi i Saliut, Ilir Meta, po numëronte lekët që u tha se ishin marrë ryshfet. Me ndihmën e një krimineli tjetër socialistë në shërbim të Edi Ramës që ishte protagonist i numërimit të parave në video, u tha se bëhej fjalë për 700.000 euro, para jo për Zv/Kryeministrin e Shqipërisë, Ilir Meta, por edhe për kancelarin e shtetit më të fuqishëm në Evropë, Angela Merkel, ishin shumë dhe do të shkaktonin kryengritje edhe ndër gjermanë. Por ja që edhe shqiptarët u irrituan nga kjo video dhe pati shumë sukses, duke ngritur një masë të madhe të njerëzve të zemëruar që ishin gati edhe të vdesin. Madje, epilogu i kësaj kryengritje ishte tragjik me 3 të vrarë dhe disa të plagosur.
Shumë shpejtë, pavarësisht akuzave dhe videos, nga selia e PS u vulos se ishte shpifje sepse pikërisht Ilir Meta u bë pjesë e koalicionit qeverisës me Partinë Socialiste, madje me votën socialiste edhe Kryetar i Parlamentit dhe në fund edhe President i Republikës së Shqipërisë.
Pushteti i tij i 1 milion shuplakave ndryshoi strategjinë e qeverisjes dhe llumin mediatik që e kishte mbajt popullin me gënjeshtra sa ishte në krye të Bashkisë Tiranë dhe gjatë luftës kundër Saliut, tashmë i dukej i panevojshëm. Por plënci i manipulatorëve mediatik që i shërbyen ishte shumë më i vogël se sa që e kishte menduar vetë Edi Rama. Ata u irrituan më keq se sejmenët e 21 Janarit, dhe nga frengjitë tashmë edhe më të vogla mediatike që u hapën me portale, filluan të godasin në vijat e trasha pushtetin e Edi Ramës meqë e kishin studiuar ndër vite nga rrëfimet e Ish-Vjehrrit e deri tek videoja e Ilir Metës.
Kjo bëri që edhe pushteti i tij i 1 milion shuplakave të fillon të lëkundet ndërsa hipotekimi i tepsisë duke e çuar në opozitë edhe Ilir Metën të ndryshon gjithçka. Ilir Meta si sqimatar mediatik filloi të ushqej mediat jo vetëm me para që kishte bërë deri në largimin e tij nga pushteti, por edhe me lajme që ç’ekuilibrojnë ish-shkronjësin e tij të fjalimeve, sot, Kryeministër, Edi Rama. Shumë shpejtë kjo dha efekt dhe filloi të krijohet edhe bindja ndër shqiptarë se sikurse Bashkinë Tiranë ashtu dhe Shqipërinë, nuk e qeverisë dot!
Duke identifikuar armiqtë e popullit, poshtë e lartë, majtas e djathtas, përveç se ata që e ndihmuan të vjen dhe mbahet në pushtet, pra ekspertët e shpifjes mediatike, nuk gjeti njeri.
Po, ata mund të shpifin, e kishte të qartë Kryeministri Edi Rama por me kokat e qelbura që kishte nëpër këmbë erdhi në përfundimin se betejën nuk e kishte të humbur. Bëri shpikjen më të idiote që mund ta bëjë një kokë normale njerëzore dhe e pagëzoi: Paketa Antishpifje!
Sot kur shpifja më e madhe është “Edi Rama qeverisë mirë”, Kryeministri hap një front të ri me shpifësit e tij mediatik që i trajnoi në mënyrë intensive që nga viti 2000, duke qenë i sigurt se me sistemin e drejtësisë që e degradoi në ekstrem, do të ndal shpifjet edhe me forcën e Ligjit.
Por jo gjithçka është e pashpresë si mediat ashtu dhe qytetarët normal!
Sot kur shpifja dhe antishpifja janë armë ligjore shantazhi ndaj mediave në duart e Kryeministrit Edi Rama, gazetarët dhe pronarët e mediave nuk duhet të alarmohen por të mobilizohen duke i gjetur “Antibiotikun” kësaj goditje marrëzore ashtu siç u shpik Antibiotiku, duke shkatërruar mikrobin por jo edhe trupin, në këtë rast institucionin e Kryeministrit!
A mund të arrihet një gjë e tillë?! Pa kukuvajka dhe shumë më lehtë se sa e ka menduar vetë Kryeministri Edi Rama me shpurën e tij. Duke i hapur derën të keqes, duke u përgatitë për një betejë ligjore me dy palë, si “shpifësi” ashtu edhe “antishpifësi” nga radhët e mediave, opinionit publik duhet ti dëshmojmë duke e konfirmuar me ligj, se sot shpifja më e madhe është: “Edi Rama është Kryeministër i suksesshëm!” Këtë çështje do ta fitoj pala “antishpifësi” dhe kjo është e qartë, por kjo nuk ka rëndësi sepse palë në gjyq gjithsesi do të jetë MEDIA e cila me patjetër duhet të organizohet nga Shoqatat e Gazetarëve në mënyrë që ti ketë të përfaqësuara këto dy palë!
Në fund, duke çuar në harresë ankesat e botës së mediave, ti tregojmë Kryeministrit se në këtë komunitet ka dhe gazetarë dinjitoz, që nismën e tij të Paketës Antishpifje që sot është Ligj, do ta bëjnë nul falë njerëzve të paaftë që e rrethojnë Edi Ramën e keqqeverisjen e shohin te “shpifja” dhe jo mirëqenia e shqiptarëve që sot është mizerabël.
Kjo është dhe arsyeja e vetme pse duhet të pranohet si e tillë dhe me mirëseradhje:
Shpifje o shantazh i bekuar, prite, prite Skënderbeun e Spiropalit!
