Shpronësimi për Komisariatin në Veri, Sveçla: Pronar ishin, Veselinoviç, Berat Buzhala, Bujar Musa e Akan Ismaili
Me rastin e shpronësimit të perimetrit të sigurisë për një Komiariat të Policisë në Veri, pronar figuruan Veselinoviç, Berat Buzhala, Bujar Musa e Akan Ismajli, tha Ministri i Punëve të Brendshme i Kosovës, Xhelal Sveçla, në fjalën e tij në paneli për Politikat e Mbrojtjes dhe Sigurisë zhvilluar në kuadër të Këshillit të Përgjithshëm të Lëvizjes Vetëvendosje që zgjoi interes të madh si për situatën aktuale në Veri ashtu dhe tensionet që krijohet vazhdimisht nga Beogradi!
Duke fol për arritjet në forcimin e sigurisë dhe sundimit të ligjit, veçanërisht në pjesën veriore të vendit. Xhelal Sveçla kujtoi se 17% e territorit të Kosovës në atë pjesë më parë ishte në një situatë të rëndë të sigurisë dhe se vetëm falë veprimeve të ndërmarra atje është rikthyer siguria.
“Në këtë periudhë, janë ngritur 9 nënstacione të reja për sigurinë kufitare dhe është siguruar infrastruktura e rrjetit të Valës dhe radiolidhjeve për Policinë e Kosovës,” tha Ministri i Punëve të Brendshme, Xhelal Sveçla, duke sjell përvoja nga puna e tij ku ku po ndërtohej një komisariat i policisë në veri, pronarë të një prone ishin dhe kriminelë serbë si Veselonoviç me biznesmenë shqiptarë që japin leksione patriotizmi.
“Teksa po shikonim shpronësimin e perimetrit të sigurisë të stacionit policor pamë që si pronar figuronin Veselinoviçi, Berat Buzhala, Bujar Musa e Akan Ismajli.”
Në një pjesë të prezantimit, Ministri i Punëve të Brendshme, foli për betejën në Banjskë të cilën e quajti fitore të rëndësishme për sigurinë e vendit ku u parandalua aneksimi i territorit të Republikës.
“Ne kemi fituar në Banjskë për shkak të përgatitjeve të mëdha paraprake, shëmbëlltyra e asaj fitore është rënia e rreshterit Afrim Bunjaku,” tha Ministri Sveçla duke renditur dhe përmirësimet tjera që kanë ardhë me kthimin e sigurisë dhe sovranitetit në pjesën veriore.
“Në pjesën veriore shpenzojmë 35% më pak energji, 35% energji pra që më parë vidhej. Të gjitha sukseset tona nuk janë arritur vetëm për shkak të vullnetit të policëve ose të ministrisë së brendshme por edhe për shkak të vendimit të Lëvizjes Vetëvendosje që rendi dhe ligji, lufta ndaj krimit dhe korrupsionit, të jetë objektivi numër 1 i qeverisë Kurti,” tha në fund Ministri i Punëve të Brendshme, Xhelal Sveçla.
