Shqetësimet e Presidentit/ Mbështetësi i Ramës, Fleckenstein: Duhet ta marrim seriozisht!

Pas Dekretit të Presidentit për anulimin e datës së zgjedhjeve 30 Qershor, Ish-eurodeputeti dhe Raportuesi për Shqipërinë pranë PE, Knut Fleckenstein gjatë fjalës së tij në takimin “Shqipëria dhe perspektiva e saj europiane” u zhvillua në Bruksel, tha se duhet marrë seriozisht situata e krijuar.

Duke u shprehur se ishte mirëinformuar me vendimin e Presidentit të Republikës, Ilir Meta, dhe reagimet e shumta lidhur me këtë vendim, raportuesi Fleckenstein tha se ata duhet ta marrin seriozisht shqetesimin e Presidentit për situatën që mund të dalë jashtë kontrollit.

“Kam lexuar që Presidenti është i shqetësuar për situatën dhe se ajo mund të dalë jashtë kontrollit. Ne duhet ta marrim këtë seriozisht edhe pse ne nuk na takon që të ndërhyjmë në politikën e brendshme të Shqipërisë,” tha Raportuesi për Shqipërinë pranë PE, Knut Fleckenstein, që njihen si mbështetës i politikave të Edi Ramës edhe kur ato ishin kriminale dhe e sollën vendin para humnerës.

Në fund, për ti treguar edhe Edi Ramës se nuk e ka harruar i bëri thirrje vendeve anëtare që të  çelin negociatat me Shqipërinë.